Bwenagamba nti bwenakula nakyuuka temwantegeera – Bobi Wine
Pulezidenti wa National Unity Platform Kyagulanyi Ssentamu Robert aka Bobi Wine bwabadde atangaaza ku bigambo byeyayogera n’omukutu ngwa BBC gyebuvuddeko bwebaali bamubuuza ku bisiyaga, ategeezezza nti weyayimbira akayimba akagamba nti abakola omukwano ogw’empaka basaana kukumwako muliro yali akyali mwana muto wabula kati yakula n’akyuka.
Okusinziira ku Kyagulanyi, ye ng’omukulembeze talina kusosola mu bantu kubanga alina okuleka buli omu neyeetaaya nebwaba nga takkiririza mu byakola.
Ono agamba tayinza na kuddamu kugamba nti abantu abo basaana kwokebwa kubanga awo aba yeeyisizza ng’abakulembeze ab’emirembe egyayita.
