Giweze emyaka 24 Ssaabasajja Kabaka Ronald Muwenda Mutebi ii bukya atuula ku Namulondo ya ba Jajja be okulamula Obuganda .
Mu ssaza ly’ e Buweekula awaategekeddwa okujaguza leero, Engoma zisuze zikungubijja, emisekera nnyuma nga gisekebbuka ate nga n’enseege ziseegeera. Kati nno nasinsi w’omuntu akedde kwekuluumulula okuva ebule n’ebweya okutuuka ku mbuga y’essaza e Kaweeri awali emikolo emikulu.
Emyaka 24 wegiweredde nga ebintu bingi ebibaddewo, Ssaabasajja Kabaka azze akubiriza abavubuka okukola ate n’okuyijya ebbanga lyonna basobole okweyimirizaawo.
Olunaku luno welutuukidde nga ne Ssaabasajja Kabaka yeekokkola ettemu erisukkiridde ku bantu mu ggwanga .