Buvunaanyizibwa bwa buli muntu okukomya ebikolwa ebivvoola abakyala – Nnaabagereka

Nnaabagereka wa Buganda Sylvia Naginda akubirizza abakyala mu Bwakabaka bwa Buganda bulijjo okuba n’obuntubulamu nga kino kyakuleetawo enkyukakyuka mu mbeera z’abantu ko n’enkulaakulana.

Nnaabagereka bino abyogedde bw’abade aggulawo Ttabamiruka w’abakyala ba Buganda ng’ono y’akulembeddemu ebikujjuko by’olunaku lw’abakyala mu Buganda olubaawo buli 13 Muzigo.
Maama wa Buganda agamba nti obuntubulamu bwetaagisa mu nsi yonna kuba buleetawo emirembe n’enfuga ennungi nga kino kimalawo n’obutabanguko olwo nno enkulaakulana n’etojjera.

Ttabamiruka ono ayindira ku Hotel Africana mu Kampala nga y’etabiddwamu abakulembeze b’abakyala mu Buganda okuva mu masaza ga Buganda gonna era nga atambulidde ku mulamwa ogugamba nti ” Okussa ekitiibwa mu bakyala gwe musingi gw’enkulaakulana”.Β Β 
Ku nsonga eno, Nnaabagereka agamba nti buvunaanyizibwa bwa buli muntu okukomya ebikolwa ebivumaganya ko n’okuvvoola abakyala gamba ng’okubakolako ettemu, okubabonyaabonya ko n’okulwanyisa endwadde eri abakyala.

Zeen is a next generation WordPress theme. It’s powerful, beautifully designed and comes with everything you need to engage your visitors and increase conversions.

More Stories
poliisi ekutte omubbi w’emotoka