Ekibiina ekiri ku ludda oluvuganya Gavumenti ki National Unity Platform (NUP) kivuddyo nekitegeeza nga bwekyakiriziganya n’Ababaka Bannakibiina buli omu okuwaayo akakadde 1 okuva ku nsimbi z’emotoka ezinamuweebwa okuva mu Gavumenti.
Ekibiina kigamba nti ensimbi zino zakuyamba mukutambuza emirimu gy’ekibiina omuli n’okuzimba ekitebe ky’ekibiina.
Nampala w’oludda oluvuganya Gavumenti era nga kati yakola nga Pulezidenti w’ekibiina Hon. John Baptist Nambeshe, yagambye nti Ababaka Bannakibiina kya NUP bebasalawo mukwagala okuwaayo akakadde 1 eri ekibiina okutambuza emirimu.
Hon. Nambeshe agamba nti kino tekirina wekikwataganira na Pulezidenti wa kibiina kino Hon. Robert Kyagulanyi Ssentamu aka Bobi Wine wabula kutambuza mirimu gyakibiina. Hon. Nambeshe ayongeddeko nti ensimbi zino bwanazifuna ayinza n’okuwaayo obukadde 100 olwokwagala kwalina eri NUP.
Leave a Reply
You must be logged in to post a comment.