Ebitongole by'ebyokwerinda bisuubizza okugombamu obwala buli alina akakwate ku kuttibwa kwa Francis Ekalungar eyali omubazi w'ensimbi owa Case Hospital eyattibwa gyebuvuddeko n'omulambo gwe ne gwokebwa eryo mu bitundu by'e Kajjansi mu Disitulikiti y'e Wakiso.
Kino kiddiridde abantu 30 okugombebwamu obwala ku nkomerero ya ssabbiiti ewedde nga n'Omuyima wa Bodaboda 2010 Abdullah Kitatta mw'omutwalidde ku byekuusa ku kutemula Ekalungar wamu n'obuzzi bw'emisango emirala mu Kampala.
Okusinziira ku mumyuka w'omwogezi wa UPDF, Lt. Col Deo Akiiki, agamba nti ebikwekweto bino begendererwamu kukwata abo abazzi b'emisango oluvannyuma basimbibwe mu kkooti bawerennembe n'emisango era nga okwogera bino asinzidde mu ssengejjero lya mawulire erya Gavumenti – Uganda Media Center mu Kampala.
Leave a Reply
You must be logged in to post a comment.