Katikkiro wa Buganda Charles Peter Mayega leero ayanjulidde obuganda amawulire amalungi aga Buganda okutandika omukutu gwa Telefayina ogwa Buganda Broadcasting Services, nti ebyuma byonna weebiri mu Masengere.
Ayingeddeko nti eno Tv erina okuba ku ntikko okukira endala zonna mu Uganda.
Bino abyogeredde mu bimuli bya Bulange e Mengo ku mukolo katikkiro kw’asinzidde okwanjula eyali Minisita w’ebyensimbi mu gavumenti ya wakati nga kati yaalondeddwa okukulira Kampuni y’amasimu eya K2 Telecom.