Police ekakasizza obulumbaganyi obwakoleddwa ku bakozi na Kkampuni ekola emigaati eya Denovo erisangibwa ku Kalerwe okuliraana essundiro ly’amafuta erya Total ku luguudo lw’e Gayaza abatamanyangamba mwebasindiridde b’Ofiisa ba Police babiri amasasi agabattiddewo n’abalala nebagendera ku bisago.
Ku battiddwa kuliko SPC Moses Karungi ne SPC Mubiru era nga n’emmunu zaabwe zitwaliddwa, ate okwo kw’ogatta n’omugoba wa Mmotoka kika kya Noah UAY 993F etambuza abakozi ategeerekeseeko erya Ssengonzi naye aluguzeemu obulamu.
Omwogezi w’ekitongole kya Police mu Kansala n’emiriraano Emilian Kayima ategeezezza nti batandise okunoonyereza ku bulumbaganyi buno obwakoleddwa eggulo ku ssaawa ssatu ez’ekiro.
Gyo emirambo gy’aboofiisa ba Police gyaggyiddwawo negitwalibwa mu ggwanika e Mulago songa n’abalumiziddwa abawerako baddusiddwa mu ddwaliro e Mulago nga bapookya. Kitalo!!