Bobi Wine yabadde ategese okwekalakaasa – Fred Enanga
Omwogezi wa Uganda Police Force Fred Enanga avuddeyo nategeeza nti amaggye ne Poliisi teganasibira Kyagulanyi Ssentamu Robert aka Bobi Wine mu maka ge nti wabula abasirikale bano batekeeddwayo oluvannyuma lw’okufuna amawulire nti Bannakibiina kya National Unity Platform babadde bakunze abantu okuva mu bifo eby’enjawulo mu Yuganda okujja mu Kampala batandike obweggungungo.
Enanga agamba nti babadde babakunze okuva mu Disitulikiti okuli; Luweero, Jinja, Mityana, Kasese ne Mbale. Enanga era agamba nti bakitegeddeko nti Kyagulanyi yebabadde emabega w’okwekalakaasa kuno kyebavudde bagaana omuntu yenna okuyingira ewuwe naye yennyini okufuluma.
Enanga ategeezezza nti ebyokwerinda e Magere ne mu bitundu bye Kasangati byakusigala nga bwebiri okutuusa embeera nga ezze mu nteeko.
