Omubaka mu Palamenti owa Kyaddondo ey'obuvanjuba ayagala Police emuliyirire obukadde bisatu obwa ssente za Yuganda lwa kumulemesa kukola bivvulu bye .
Kino kijjidde mu kiseera ng'aduumira Police mu Kampala n'emiriraano , Frank Mwesigwa yayisizza ekiwandiiko ekiyimiriza ebivvulu bya Bobi Wine ng'agamba nti Bobi Wine ebivvulu bye abiteekamu eby'obufuzi era n'akozesa ebigambo ebikuma omuliro mu bantu.
Bobi Wine agamba nti abateesiteesi b'ebivvulu baali baatandika dda okumusasulako ate nga bataddemu ne ssente zaabwe okulanga nga batimba ebipande ate abyakuuliddwayo Police ng'eri wamu n'abalwanyisa obumenyi bw'amateeka (Crime Preventers). N'olwekyo Bobi ayagala kkooti eyise ekiragiro ekiyimiriza Ssaabawolereza wa Gavumenti ne Police okugenda mu maaso n'enteekateeka yaabwe.