Hon. Kyagulanyi Ssentamu Robert aka Bobi Wine; “Mu ttuntu lyaleero ntuuseeko ku Kkomera e Kitalya okulambula ku banaffe abasibwa kati enaku 43. Buli omu nababasiba kati bakimanyi nti bano basibwa si lwakuba nti bazza emisango. Omusango gwabwe guli kwagala nsi yaabwe n’okugezaako okununula ensi yaabwe.
Ntunuulidde ebizimbe by’ekkomera nendowooza ku bawagizi ba National Unity Platform – NUP abasibwa nga tebalina musango. Ndabye ba Maama, abenganga ne mikwano nga bakaaba bwebabadde bazze okulaba abantu baabwe. Musobola okugenda mu maaso n’okusiga ensigo eyobukyayi naye ebibala mujja kubikungula.”