Betty Kamya azzizzaayo omuliro eri Nambooze ku kugaziya ekibuga

Minisita avunaanyizibwa ku nsonga za Kampala Betty Olive Namisango Kamya azzizzaayo omuliro eri Omubaka mu Palamenti owa Munisipaali y'e Mukono Betty Nambooze ku nsonga z'okugaziya ekibuga nti bw'abanga ayogera asookenga kebuuza afune amawulire amatuufu naye bwekitaba ekyo agya kuswalira bwereere.

Kino wekijjidde nga Nambooze gyebuvuddeko yavuddeyo n'awakanya eky'okugaziya ekibuga nga bwekiri mu nteekateeka y'ekitongole ekivunaanyizibwa ku kuteekerateekera eggwanga ki National Planning Authority wamu ne Bank y'esi yonna nti kigendererwamu kunyaga ttaka lya bantu . 

Betty Kamya okwogera bino asinzidde ku yafeesi z'ekitongole kya Uganda National Planning Authority mu Kampala n'ategeeza nti Nambooze agwanidde okukitegeera nti enteekateeka y'okugaziya ekibuga ssi yiye Kamya ng'omuntu wabula kyayisibwa Lukiiko lwa ggwanga.

Kamya agongeddeko nti okugaziya ekibuga kigendereddwamu kukendeeza mugotteko gwa kibuga era n'akakasa nti zu Munisipality zaakukolera wamu n'ekibuga enkulaakulana esoboe okutinta mu ggwanga. 

 

0 replies

Leave a Reply

Want to join the discussion?
Feel free to contribute!

Leave a Reply