Kkooti ya Buganda Road enkya yaleero ekirizza Rtd. Col. Dr. Kizza Besigye wamu ne Samuel Lubega Mukaku okweyimirirwa ku kakalu kaayo buli omu ka bukadde 2 n’ekitundu.
Eyaliko Chief Magistrate wa Kkooti ya Buganda Road Dr. Douglas Singiza yalagidde bano okusasula ensimbi zino nga tebanateebwa okuva mu kkomera e Luzira.
Dr. Singiza eyakakuzibwa okuzzibwa mu KKooti Enkulu agamba nti yadde nga Besigye ne Mukaku babadde baagala bateebwe nga tebalina nsimbi zebasasudde, nti tasobola kuwakanya biragiro byateereddwawo Kkooti Enkulu.
Bbo abeyimiridde Besigye okuli; Deputy Lord Mayor Doreen Nyanjura, Kitigum Municipality MP Dennis Onekalit nabo balagiddwa okuteeka omukono ku kakalu ka Kkooti ak’ensimbi emitwalo 50 ezitali zabuliwo era nabalagira okufuba okulaba nti omusibe adda mu Kkooti okuwulira omusango ogumuvunaanibwa ogwokukuma mu bantu omuliro, olunaku lwonna Kkooti lweba emwetaaze.