Kkooti Enkulu mu Kampala egaanye okusaba okwateekebwayo Rtd. Col. Dr. Kizza Besigye wamu n’omuyambi we Hajji Obeid Lutale Kamulegeya okwokweyimirirwa netegeeza nti emisango egibavunaanibwa egyokulya mu nsi olukwe gya nnaggomola.
Omulamuzi Rosette Kania ategeezeza nti yadde Besigye ne Lutale bawadde ensonga ezimatiza kwossa n’okuba nti balina amaka mwebabeera agamanyiddwa ssaako nababeyimirira abensa nti wabula ensonga enkulu yabyakwerinda bya Gggwanga wamu n’okukuuma abantu.
Omulamuzi ayongeddeko nti abasibe bombi bamaanyi nnyo nti era basobola bulungi nnyo okutaataganya okunoonyereza kwa Poliisi okugenda mu maaso.
Besigye ne Lutale bali ku alimanda mu kkomera e Luzira okuva nga 16 – November bwebawambibwa abebeyokwerinda okuva mu Riverside Hotel mu Kibuga Nairobi ekya Kenya.
Bano bavunaanibwa n’omusirikale wa UPDF Capt. Dennis Oola nga kigambibwa nti bekobaana naye okugezaako okumammulako Gavumenti nga bayita mu nkiiko zebatuuza mu bibuga okuli; Geneva, Bano bakuzzibwayo mu Kkooti e Nakawa nga 30 April.
Bya Christina Nabatanzi