Besigye asindikiddwa Luzira ku alimanda

Rt. Col. Dr. Kizza Besigye agaanye ekyokuyimbulwa ku kakalu ka Kkooti ak’obukadde 30 obwobuliwo akakwakulizo akamuweereddwa Omulamuzi w’eddala erisooka owa Buganda Road Siena Owomugisha.

Ono alagidde Munnamateeka we Erias Lukwago okujjulira ku kino mu Kkooti Enkulu nga bwalindirira ensala yaayo ngali ku alimanda mu Kkomera e Luzira okutuusa nga 16-July-2022. Ye Lubega Mukaku ne Yoweri Kintu bombi basindikiddwa e Luzira okutuusa nga 27-May, ate ye Ddereeva wa Besigye, Kato Fred ayimbuddwa ku kakalu ka Kkooti akobuliwo ka kakadde kamu lwakukozesa bubi ekidduka wamu n’okulemesa Poliisi okukola omulimu gwayo.