Archbishop wa Kampala His Grace Paul Ssemogerere asabye wabeewo emirembe wamu n’obwenkanya naddala ng’abantu bakola emirimu gyabwe bwebaba baagala okuleka omukululo ngyeyali Ssaabalamuzi Benedicto Kiwanuka.
Bino yabyogeredde mu misa eyategekeddwa e Rubaga, okwabadde abakungu ba Gavumenti abenjawulo. Minisita avunaanyizibwa ku nsonga z’ebyettaka, amayumba n’okuteekerateekera ebibuga Judith Nabakooba yatenderezza nnyo Benedicto Kiwanuka nategeeza nti ono yali mwoyo gwa Ggwanga era nga akiririza mu nfuga eyamateeka n’eddembe lyabuli omu.