Abatuuze ku kyalo Gganda – Nansana ekisangibwa mu Disitulikiti y’e Wakiso enkya ya leero bakedde kwekumamu gutaaka nebazoba oluguudo oluva e Nansana ku Jenina okudda e Gganda olw’okuba olubi ennyo ddala
Akwekalakaasa kuno kukulembeddwamu Kkansala akiikirira ekitundu kino ku Disitulikiti Twaha Ssekamatte olw’ebinnya ebiyitiridde ennyo nga enkuba bw’etonnya okuluyitamu kuba kulafuubana kwennyini, awo nno kyebavudde bateeka ebiyinja ebinene n’okukuma ebipiira by’emmotoka mu luguudo booleke obulumi bwabwe eri aba Disitulikiti .
Wabula Police y’e Nansana nga ekulemberwamu Tayebwa Mike esitukiddemu ng’eyatega ogw’ekyayi n’egombamu kkansala Ssekamatte olw’okuduumira okwekalakaasa kuno
Abo babadde beerya omuguju nga ne mu kibiga ky’e Mityana entambula esannyalala oluvannyuma lw’abatuuze okuziba oluguudo oluyitibwa Station Road olw’ebinnya ebiruyitiridde era wano Police ewaliriziddwa okukozesa omukka ogubalagala okugumbulula abantu.