Abatunzi ba mukene basambira nnyuma nga jjanzi era kati bakuba gudiikudde oluvannyuma lwa bbeeyi ya Mukene okulinnya n'etuuka mu ssiringisi kakaaga (6000) nga amagoba geeyongedde.
Kinajjukirwa nti mu Ntenvu w'omwaka oguwedde ne mu Gatonnya w'omwaka guno, kkiro ya Mukene yali egula enkumi ssatu mu lusanvu naye kati kumpi ekubisiddwamu ebitundu ataano ku kikumi mu butale obw'amaanyi omuli ak'e Nateete, Kaleerwe ne Kisenyi era nga abasinze okukosebwa be balunzi b'ebisolo n'enkoko.
Munnamawulire wa Radio Simba, Joshua Mutale bw'ayogeddeko n'abasuubuzi, bategeezezza nti ebbeeyi ya mukene erinnye lwakuba nti obwetaavu bwe bweyongedde ate nga aggya mutono olw'amazi agakendedde mu nnyanja Nalubaale.