Governor wa Bank of Uganda Prof. Emmanuel Mutebire avuddeyo nafulumya ekiwandiiko okutangaaza ku musango wakati wa Kiggundu Hamis owa Ham Enterprises U Ltd ne Diamond Trust Bank Kenya Limited ne Diamond Trust Bank Uganda.
Ekitundu ku kiwandiiko kino kiraga nti bbanka zino engwira eziwola Munnayuganda wabula nga zawandiisibwa bweru waggwanga zigoberera mateeka ga nsi ezo gyezewandiisiza era nga Bbanka Enkulu terondoola mirimu gyazo.
Ayongerako nti ssi kyabuwaze Bbanka engwira okuteekawo omukiise ne offiisi mu Yuganda okusobola okuwola wamu n’okutereka ensimbi.
Bbanka Enkulu evunaanyizibwa kulondoola bitongole byansimbi ebyo byokka ebyewandiisa mu Yuganda okuweebwa layisinsi era ng’obuyinza buno tebukola ku bbanka ziri bweru wa Yuganda nga zawandisibwa mu nsi gyezikolera.
Abaffe kino kitegeeza nti Kkooti obuwanguzi bweyawadde Ham ku DTB tebuliiyo kuba DTB Kenya teyalina kubeera namukiise mu Yuganda okumuwola?
Bbanka engwira teri kwewandiisa wano okuwola Munnayuganda – Prof. Mutebire
