Minisitule y’ebyentambula eyimirizza Bus za Kampuni ya Jaguar obutaddamu kusaabaza abantu okumala ebbanga lya naku kumi kisobozese Gavumenti okwongera okwekennenya omutindo gwabavuzi wamu ne bbaasi za kkampuni eno.
Kino kiddiridde obubenje obweyongedde ku nguudo nga n’akakasembayo ke kabenje akagudde e Kabaale-Bugonzi ku luguudo oluva e kampala okudda e Masaka ku ntandikwa ya sabiiti eno bbaasi ya kkampuni ya Jaguar nnamba.UBP 964T eyali eva e Kampala ngedda e Kigali bweyalemerera omugoba waayo neyingirira FUSO okukakkana nga abantu abawera munaana bafiiriddewo nabalala nebasimattuka n’ebisago.
Minisita omubeezi ow’ebyentambula Fred Byamukama asinzidde mu lukungaana lwa Bannamawulire lwatuzizza ku offiisi ye mu Kampala, nategeeza nga Minisitule bwesazeewo okusooka okuyimiriza bbaasi zino obutaddamu kusaabaza bantu okumala ebbanga lya nnaku kkumi kuno n’ebweru w’Eggwanga wadde okugivuga okugitwala mu Garage bamale okwekennenya byonna ebyetaagisa era nga ekiragiro kino kyakutandikirawo olwaleero.
Bya Barbara Nabukenya
#ffemmwemmweffe