Omubeezi wa Minisita avunaanyizibwa ku nsonga zomunda mu Ggwanga Gen. David Muhoozi avuddeyo ku bbaasi ekutte omuliro; “Tukitegeddeko nti waliwo bbaasi efunye obuzibu, ddereeva nayimirira, abasaabaze nebavaamu wabula ekutte omuliro nebengeya. Tukyanoonyereza oba nga kyekuuse ku bbomu ezibaddewo ensangi zino.”
Bbaasi ya Kkampuni ya Gateway nnamba UAU 926U ettuntu lyaleero ekutte omuliro mu e Kampiringisa mu Disitulikiti y’e Mpigi ku luguudo lwa Kampala – Masaka ng’ebadde eyolekera Kabale. Abasaabaze bonna bavuddemu bulungi nga kigambibwa nti omuliro gutandikidde mu mipiira. Uganda Police Force egamba nti Ddereeva wa bbaasi abadde yategezeddwa ku mukka ogabadde gugivaamu emabega wabula wayimiriridde ng’omuliro gusaasanye.