Bazzeemu okusuula embizzi ku Palamenti

Police ya Palamenti egombyemu obwala abavubuka babiri mu ttuntu lya leero nga ebalanga kusuula obubizzi obusoba mu kkumi okuliraana omulyango gwa Palamenti nga bagamba nti ababaka ba Palamenti basussizza omululu.

Kino wekijjidde nga ababaka mu Palamenti basaba kano na kali omuli ssente z’emmotoka obuwana n’essente z’okukola ku by’okuziika kwabwe .

Obubizzi buno bubadde busiigiddwa amabala aga kyenvu ne bbulu nga butimbiddwako n’amannya ag’abamu ku babaka mu Palamenti omuli; aga amyuka omukubiriza wa Palamenti – Jacob Oulanya, aga omubaka Kafeero Ssekitooleko, omubaka Kato Lubwama, aga akulira oludda oluwabula Gavumeti –  Winnifred Kiiza n’abalala .

Abakwatiddwa be Luta Ferdinand ne Mubiru Joseph nga kakti batemeza mabega wa mitayimbwa .

0 replies

Leave a Reply

Want to join the discussion?
Feel free to contribute!

Leave a Reply