Bannamawulire ababadde bagenze okusaka amawulire ku Kkooti y’amaggye etudde e Makindye ngewulira okusaba kwa Bannakibiina kya National Unity Platform 28 okwokweyimirirwa babafulumizza wabweru wa ggeeti enkya yaleero.
Kkooti ngekubirizibwa Brig. Gen. Freeman Mugabe tewadde nsonga lwaki bano ebafulumizza. Kinajjukirwa nti bano bakwatibwa mu December 2020 mu kunoonya akalulu k’obwa Pulezidenti nga babadde ku alimanda ku bigambibwa nti basangibwa ne bbomu enkolerere 132 era nga okusaba kwabwe okwokweyimirirwa kuzze kugobebwa nga Kkooti egamba nti bebaba baleese okubeyimirira tebaba nabisaanyizo, bano omwaka oguwedde baggulwako omusango omulala ogwokugezaako okulya mu nsi yaabwe olukwe.
Leave a Reply
You must be logged in to post a comment.