Sentebe wa National Resistance Movement – NRM owa Disitulikiti y’e Masaka Ssenkungu Peter alumirizza ekibiina kye nga kyo kyennyini bwekyaviirako okukola kwakyo obubi mu Buganda nebitundu ebirala nagamba nti balekerawo okwekwasa ebibiina ebirala ebibavuganya.
Ssenkungu okwogera bino asinzidde mu lukiiko lwa Bannakibiina abakwatira NRM bendera kyokka nebatawangula olubadde ku Royal Gardens mu kibuga Masaka.
Ssenkungu yategeezezza nga Bannakibiina abamu bwe balina amalala mangi ate nga nabalala bafuuka banantabulirirwa kwogatta n’ensonga y’okunyaga ettaka ly’abantu mu Buganda.
Ye Minisita Kiwanda Godfrey Ssuubi ye agambye nti olukiiko lwagendeddwamu okuddamu okukumakuma Bannakibiina baleme kuterebuka era nagamba nti bazeemu buto okutandiika okusaggula mu Buganda bagende okutuuka mu mwaka 2026 nga NRM yeddiza ebifo byonna aboludda oluvuganya byebabatuteko.
Kyoka naye akirizza nti waliwo ensombi nyingi nyo ezakolebwa nga ku nsonga eno betaaga okuddamu nebatuula nebetereeza.
Bannakibiina kya NRM basussa amalala – Peter Ssekungu
