Bino byogeddwa Minisita w’ettaka, obulimi, n’obutonde bwensi, Owek Hajji Mariam Mayanja Nkalubo, bwabadde atikkula Amakula agaleeteddwa abantu ba Kabaka okuva mu gombolola ya Ssabawaali Buikwe e Kyaggwe ne Mutuba IV Makulubita e Bulemeezi.
Mu bubaka bwabatisse, Owek Mariam abakubirizza okusasula obusuulu kibasobozese okufuna ebiwandiiko ebibakakasa nti batuuze ku ttaka.
Abaami baamagombolola abakulembeddemu abantu ba Kabaka, beebazizza Ssaabasajja olw’okubateerawo ensiisira z’eby’obulamu ezibayambye okufuna obujjanjabi obwobwereere.
Mu byebaleese mulimu; Ente, embuzi, enkota z’amatooke, ebikajjo, ensujju, emikeeka, omuceere, Muwogo, n’ebirala bingi.