Wabaluseewo okusika omuguwa wakati wa DP n’eyali pulezidenti wa FDC Kizza Besigye lwa Besigye kulonda Bannakibiina kya DP mu kabineeti ye nga bo tebalina kyebamanyi. Mu baalondebwa era DP beyeemulugunyaako mulimu omubaka Betty Nambooze eyalondeddwa nga Minisita w’ebyamawulire, Erias Lukwago eyalondeddwa nga omumyuka w’omukulembeze w’eggwanga n’abalala.
Nobert Mao ategezezza nga akakiiko akakwasisa Amateeka mu DP bwekagenda okunonyereza era kavunaane Bamemba bano abaweereddwa ebifo mu gavumenti y’abantu eyatongozeddwa wiiki ewedde.
Wabula ye Nambooze agamba nti Dr. Kizza Besigye nga tanafulumya lukalala luno yasooka kwebuuza ku bibiina byonna ebivuganya Gavumenti.
Leave a Reply
You must be logged in to post a comment.