Banange ngezezzaako okulwanyisa obulyake n’enguzi – Pulezidenti Museveni
Pulezidenti Yoweri Kaguta Museveni avuddeyo nategeezezza nti akoze buli kyetaagisa okulwanyisa n’okumalawo obulyake n’obuli bw’enguzi mu Gavumenti ye, newankubadde mukyalimu abatonotono ababulankanya ensimbi z’Eggwanga.
Okwogera bino Pulezidenti abadde ayanukula Bannayuganda abavaayo ku bubaka bwe obwa Ppaasika nebategeeza nti talina ky’akoze kulwanyisa nguzi.
Pulezidenti agambye nti ataddewo ebitongole eby’enjawulo okuli woofiisi ya Kaliisoliiso, CID, ISO, wamu n’obukiiko bwa Palamenti obw’enjawulo nga bino byonna bivunanyizibwa ku kulwanyisa obulyake n’obukenuzi mu Ggwanga
