Bamusanze yafiira mu nnyumba e Kazo
Noah Katwera 37, abadde makanika wa mmotoka e Wandegeya asangiddwa ng’afiiridde mu nju nga n’omulambo gwe gutandise okuvunda.
Kiteeberezebwa nti omugenzi yaffa kikutuko, kuba tabadde na kirwadde kyonna. Omulambo guzuuliddwa abooluganda lw’omugenzi nga bayambibwako abatuuze.
Ono abadde abeera Kazo Central zooni II mu Divizoni y’e Nansana mu Wakiso.
Poliisi okuva e Kawempe ezze n’eggyawo omulambo okugutwala mu ddwaaliro e Mulago okwekebejjebwa ekyaviiriddeko omugenzi okufa.
Poliisi y’e Kawempe eguddewo fayiro okunoonyereza ku nfa y’omugenzi ku SD:REF:12/03/09/2018.
