Balaam tewandibadde ggwe – Bawagizi ba Chameleone

#Wolokoso; Omukulu Balaam Barugahara yavuddeyo ku kyabaddewo wakati wa Jose Chameleone wamu n’abekitongole kya Uganda Revenue Authority (URA) nga basika emotoka ye nawabula Bannayuganda; “Bannayuganda banange mbasaba tuwe abasajja n’abakyala abo ababeera ku mirimu nga batuuse obuweereza eri eggwanga. Bano si baddu baffe wabula batuusa buweereza.Enkola ey’okubayisaamu amaaso egenda yeyongera mu ggwanga ekitali kirungi. Buli lw’obasanga bayise bulungi, kuba byonna byetweyagaliramu nga ebyokwerinda, enguudo ennungi, eddagala mu malwaliro, emisaala n’ebirala biri bityo kuba bbo. Tuwe ekitiibwa abakungaanya omusolo, Abasirikale ba Poliisi, Abasawo, Abamaggye, abalongoosa enguudo, abakwasisa amateeka, abasomesa n’abalala. Tuwangane ekitiibwa ffenna.”Wabula Barugahara Balaam Ateenyi tebyamugendede bulungi oluvannyuma lw’akatambi akakwatiddwa nga emotoka ya Chameleone esikibwa okuva mu makaage, kigambibwa mbu yawuliddwa mu katambi kano nga alagira eyabadde akwata video akwate bulungi ebifaananyi alabe oba nga ddala Chameloene bamukutte nga bweyabadde abalagidde. Abantu bavuddeyo nebamulangira obunnanfuusi, nti era yandibadde takikola Chameleone munywanyi we!