Bakutte munnansi wa Netherlands ku kisaawe Entebe

Poliisi ku kisaawe ky’ennyonyi Entebe ekutte munnansi wa Netherlands Jhinkole Rai aka Ruben nga ono asangiddwa n’ebiragalala. Ono yakwatiddwa kukisaawe ku ssaawa 7 ez’omuttuntu nga ali webakeberera emigugu nga yetegekera okulinnya ennyonyi.
Ono yabadde ayolekera Italy nga agenda kukozesa nnyonyi ya Fly Emirates. Ono yasangiddwa ne kkeesi ennene bbiri nga mulimu ebitereke 59 omwabadde “chococino special ” ne “richer chocolate taste” . Wabula muno mwabaddemu obuwunga obulowoozebwa okubeera ebiragalalagala nga byabadde bizitowa kilo 63.9.