Uganda Police Force ekutte abasajja babiri bwebasangiddwa n’ekitonde ekimu ku ebyo ebikuumibwa obutiribiri olw’okutya nti byandisaanawo nga bibalirirwamu obukadde 10.
Bano kuliko; Mukasa Bosco 34, Ssentebe wa LC I owa Kiganda, Nyamarunde Subcounty mu Disitulikiti w’e Kibaale ne Kyakwahuwre Simon.
Bano bakwatibwa nga 7-June 2020 okuva e Kibaale nebaleetebwa ku CPS mu Kampala. Bano bakwatiddwa oluvannyuma lw’abatuuze okutemya ku b’obuyinza nti bano batunda ensolo ezagaanibwa. Ab’obuyinza okuva mu kitongole ekikuuma ebitonde eby’omunsiko ekya Uganda Wildlife Authority wamu nekya Natural Resources Conservation Network abawerekeddwako Poliisi nebabakwata.
Bano basangiddwa n’olugave olulamu nga balutunda obukadde 10.
Leave a Reply
You must be logged in to post a comment.