Babiri bafiiridde mu kabenje e Kitigoma

Omwogezi wa Uganda Police Force ow’ettundutundu lya Ssezibwa ategeezezza nga bwewaliwo akabenje akagudde ku luguudo oluva e Jinja okudda e Kampala ku kyalo Kitigoma mu Disitulikiti y’e Buikwe Fuso Fighter nnamba UBB 716F bwetomereganye ne tuleela y’amafuta nnamba UAY 077A/UAY 928A M/Benz ku ssaawa kumineemu ezookumakya.

Kigambibwa nti ddereeva wa Fuso atanategeerekeka ngebadde eva Jinja ngedda Kampala avudde ku ludda lwe nadda ku ludda lw’emotoka ezidde e Jinja okukkakana ngayingiridde tuleela y’amafuta ebadde edda e Jinja.

Ddereeva wa Fuso ne turnman we bafiiriddewo era nga Poliisi egezaako okutema omutwe gwa Fuso okuggyamu emibiri gyabwe.

Ye Ddereeva wa tuleera ne turnman we baddusiddwa mu Ddwaliro e Jinja nga bali mu mbeera mbi okufuna obujanjabi.