Akabenje kagudde ku luguudo oluva e Kampala okudda e Gulu abantu 3 nebafiirawo omu nalumizibwa byansusso. Abafudde babadde batambulira mu motoka ekika kya Isuzu nnamba UBE 048B nga kigambibwa nti eremeredde omugoba waayo bwetyo neyerindigula ekiggwo wabula nga tebanategerekeka mannya ate ye awonyewo ye Kiggundu Yahaya.
Ate era ku luguudo lweruma akabenje akalala kagudde mu kibuga ky’e Migyera trailer nnamba UAT 139Q/UAS 615A era nga abagibaddemu basimattuse n’ebisago ebitonotono nga ku bano kuliko Kiryowa Moses (Ddereeva) ne Ssempima Edward nga bano bali mu ddwaliro lya St Francis Health Center 3.
