Abalina emigabo mu Bbanka ya National Bank of Commerce (NBC) eyagalwawo mu September 27, 2012 Bbanka enkulu ey’eggwanga nga kigambibwa nti yali tetuukiriza kakwakulizzo k’okubeera ne Capital ow’obuwumbi ekkumi ekitono ennyo.

Bano nga bakulembeddwa Ssentebe wa Board Matthew Rukikaire, eyaliko Ssaabaminisita wa Yuganda John Patrick Amama Mbabazi, Amos Nzeyi n’omulamuzi Wilson Kanyeihamba bavuddeyo nebategeeza nti baagala baliyirirwe ensimbi eziwerera ddala obuwumbi 295 olw’okuba nti Bbanka yaabwe yaggalwawo mu bukyaamu.

Rukikaire ategeezezza akakiiko nti ensonga eyawebwa Bbanka enkulu teyali ntuufu kuba wakati wa 2004 – 2010, Bbanka ya NBC yali etambuza bulungi emirimu era nga ekola n’amagoba, era nga nabalinamu emigabo baali basasulwa bulungi okutuuka mu 2010.

Ono agamba nti era NBC yali etadde akakadde ka ddoola kamu n’obukadde lusanvu okuzimba ekitebe kyabwe galikwoleka, era nga yali etadde akakadde ka ddoola kamu mu obukadde bibiri okufuna software omupya owa Core Banking Software System – TEMENOS T24 eyali ateereddwamu era nga akola bulungi.

Rukikaire agamba nti Bbanka enkulu yabagamba banoonye obuwumbi musanvu oba si kyo eggalwewo era kyebakola nebazifuna mu naku 4 zokka, nebatuuza Olukiiko lwabonna era nebalonda Board empya era Bbanka enkulu negikiriza.

Rukikaire agamba nti wabula omukungu wa Bbanka enkulu eyali evunaanyizibwa kukulondoola emirimu gya Bbanka Justine Bagyenda yalagira obuwumbi omusanvu babugulemu Treasury Bills era nagaana Board n’abaddukanya NBC obutakozesa Treasury bills zino ekyazingamya emirimu gya Bbanka.

Omuyimbi Melody, eyayimba ne Jose Chameleone “ Nkole ki” atutte kkampuni z’empuliziganya bbiri mu kkooti ng’ayagala bamusasule kawumbi olw’okukozesa ennyimba ze eziwera nga ‘caller tune’ oba ennyimba eziwulirizibwa omuntu akubye essimu nga tabawadde lukusa.

Ennyimba ezivaako kalumanyweera kuliko Nkole ki, Asinga, I love u, Jjangu, photo photo, Tondeka, vuuvumira, Yagimenya.

Melody amannya ge amatuufu ye Manson Kakooza kyokka mu kuyimba akozesa Melody. Emisango ebiri agitutte mu kkooti enkulu etawulula enkaayana z’ebyobusuubuzi mu Kampala nga giri ku fayiro CS 52 ne 53/2019.

Ng’ayita mu Bannamateeka be aba Tumwebaze, Atugonza, Kobusigye Advocates.

Ebiwandiiko bya kkooti byalaze nti Melody yaakabeera mu kisaawe ky’okuyimba okumala emyaka 8 ng’era mw’afuna ssente. Oluvannyuma lw’okuziwandiika okuziyimba n’okuzitunda agamba yakizuula nti kkampuni za MTN ne Airtel bazikozesa nga ‘caller tune’ eri bakasitoma baabwe nga babaggyako ssente.

Kkampuni zombi bwe yali aziwandiikira ng’azitegeeza ku nsonga eno, MTN yagisaba 900,000,000/- ate Airtel n’agisaba 100,000,000/-. Ku zino agattako eza balooya 20,000,000/-. Asaba kkooti eteekeewo ekiragiro ekibagaana okuzikozesa, okuwa embalirira kw’ezo ze bakozesezza n’okumuliyirira.

Abakulembeze abawerako okuva e Gulu enkya yaleero bakwatiddwa Poliisi nga balangibwa okutegeka okwekalakaasa. Hon. Lucy Akello, Hon Anthony Akol, Hon Olanya Gilbert ne Hon. Odonga Otto bakwatiddwa Poliisi bwebabadde batambula mu mirembe e Gulu nga balaga obutali bumativu bwabwe ku ngeri abantu b’omu Apaa gyebatulugunyizibwamu.

Abakungu okuva mu Bbanka ya National Bank of Commerce eyagalwa okuli eyaliko Ssaabaminisita wa Yuganda John Patrick Amama Mbabazi, Prof George Wilson Kanyeihamba ne Amos Nzeeyi balabiseeko mu kakiiko ka Palamenti aka COSASE.

Eggye ly’eggwanga erya UPDF nga liyita mu kitongole kyalyo ekijanjabi bajanjabye abantu ku bwereere ku ddwaliro lya Kitgum General Hospital nga bagezaako okumalawo endowooza enkyamu abantu b’omu Acholi Sub-Region gyebalina ku UPDF. Gino gyegimu ku mirimu ekikoleddwa UPDF mukujjaguza olunaku lwa Tarehe Sita.

Eggye ly’eggwanga erya UPDF nga liyita mu kitongole kyalyo ekijanjabi bajanjabye abantu ku bwereere ku ddwaliro lya Kitgum General Hospital nga bagezaako okumalawo endowooza enkyamu abantu b’omu Acholi Sub-Region gyebalina ku UPDF. Gino gyegimu ku mirimu ekikoleddwa UPDF mukujjaguza olunaku lwa Tarehe Sita.

Omuvubuka gwe baakutte ku by’okuwamba abawala n’abatta abakuumaddembe bamukunyizza n’abalaga ekibaasa ekirimu ebifaananyi by’abawala 12 by’agamba nti byali bya baganzi be.

Wabula waliwo okutya nti abamu ku bano ayinza okuba nga yabatta n’abaziika mu ngeri yeemu nga bwe kyabadde ku Namusoke ne ku mwana Elvis Kibuule gwe yawambye e Bulenga n’amutta omulambo n’agukweka mu kisiko mu Wakiso.

Didan Atukunda nga mukozi mu Kkampuni y’abalambuzi eya Mamba Golira Safari nga ono yakola ensobi mu mpandiika nga awandiika ebisale bya balambuzi mu kifo kya Ddoola 3,000 n’awandiika Ddoola 30,000 nezimusasulwa abalambuzi wabula oluvanyuma abalambuzi nebamusaba azibaddize wabula neyerema akwatiddwa Poliisi y’ebyobulambuzi nga bamusanze mu bbaala e Kabale.
Ono akwasiddwa Poliisi emuleese ku Poliisi ya Jinja Road.