Rusoke Kituuma avuddeyo nategeeza nga Uganda Police Force bwekitegeddeko nti waliwo abantu abatandise okukunga Bannayuganda nga bayita ku Social Media nga babayita batambule okugenda ku Palamenti ku lwokubiri nga 23-July-2024. Poliisi egamba nti bano basudde nebipande nga bakubiriza abantu okubegattako mu kutambula kuno. Kituuma agamba nti wabula obudde nenteekateeka yonna temanyiddwa nga kino kireetedde Poliisi okulowooza nti balina enteekateeka enkyamu bwetyo nerabula Bannayuganda obutenyigira mu kutambula kuno.
Bya Kamali James

Pulezidenti w’Ekibiina ekitaba Abasawo mu Ggwanga ekya Uganda Medical Association Dr. Herbert Luswata avuddeyo nategeeza nga bwebawandiikidde ekitongole ekivunaanyizibwa ku bifulumizibwa ku mpewo ekya Uganda Communications Commission – UCC nga bakisaba obutakiriza vidiyo eyakoleddwa omuyimbi Gereson Wabuyi, aka Gravity Omutujju obutafuluma nga bagamba nti yakozesezza ebintu ebikozesebwa abasawo nga ettaawo wamu ne stethoscope mu ngeri evvoola omulimu ggwabwe. Bano basabye bannabitone okulekerawo okukozesa obubi ebyambalo byabwe maddala mu ngeri ebawebuula eri abantu bebajjanjaba.”

Eyaliko Pulezidenti wa Forum for Democratic Change Rtd. Col. Dr. Kizza Besigye bwabadde ayogerako eri Bannamawulire olwaleero e Katongo avuddeyo nanenya Pulezidenti Museveni wamu n’obukulembeze bwe nategeeza nti Pulezidenti Museveni yakulira obuli bw’enguzi mu Uganda. Besigye anokoddeyo ebintu ebyenjawulo ebyoleka obulyake wamu n’okukozesa obubi obuyinza bino nabinenyeza Pulezidenti olwokulemererwa okugonjoola ebizibu bya Bannayuganda. Ono ategeezezza nti wasaanye okubaawo enkyuukakyuuka mu byobufuzi mu bwangu era nasaba Bannayuganda okuvaayo bateeke abakulembeze baabwe ku ninga baveeyo ku bigenda mu maaso mu Ggwanga.

#Wolokoso; Prima Kadarshi avuddeyo ku mukutu gwe ogwa Facebook; “Oluyimba lwa GRAVITTY OMUTUJJU ne Shakira Shakira olupya kyakulabirako ekinnyonyola ’emikebe emikalu ebiri bwegisisinkana.'”

Katikkiro Charles Peter Mayiga mu butongole akomyewo mu Woofiisi oluvannyuma lwa ssabbiiti bbiri nga ali mu luwummula.

Ayise mu alipoota ey’ensonga enkulu ezibadde mu mbuga mu bbanga lyamaze nga taliiwo.

Yebaza Omumyuka Asooka owa Katikkiro Oweek Prof. Twaha Kigongo Kaawaase abadde akuuma Woofiisi ya Katikkiro, Baminisita n’Abaweereza bonna olw’emirimu emirungi egikoleddwa.

Omwogezi wa Uganda Police Force Kituuma Rusoke; “Manyi bulungi omulimu gwenjolekedde naye mbasuubiza okukola kyonna ekisoboka nga nkozesa obumanyirivu bwenina okulaba ntuukiriza ebiruubirirwa bya IGP, Poliisi wamu ne Bannayuganda.”
Kituuma agamba nti mpaawo bigambo Bannayuganda bigenda kumuyigula ttama kuva ku mulimu gwalina kukola.

Bannamateeka beyaliko RCC wa Lubaga nga bakulembeddwamu David Kamukama, bavuddeyo nebasaba Kkooti egobe omusango oguvunaanibwa omuntu waabwe ogwokusaasanya amawulire agobukyaayi ku Sipiika wa Palamenti Anita Among.

Banno bagamba oludda oluwaabi terwannyonyola kimala ku ngeri omuntu waabwe gyeyazzaamu emisango egimuvunaanibwa.

Ababaka ba Palamenti 3 okuli owa, Igara East Michael Mawanda, owa Elgon County Ignatius Mudimi Wamakuyu, nowa Busiki County Paul Akamba, baleeteddwa olunaku olwaleero mu Kkooti evunaana abali b’enguzi n’abakenuzi okuwulira okusaba kwabwe okwokweyimirirwa.

Bano bavunaanibwa wamu ne Munnamateeka Julius Kirya Taitankoko ne Leonard Kavundiira, Principal Cooperative Officer mu Ministry of Trade, Industry, and Cooperatives, nga bavunaanibwa okwekobaana okubulankanya ensimbi ezaali ezokuliyirira ebibiina byobweggassi ebyakosebwa mu ntalo.

Pulezidenti Yoweri Kaguta Museveni olunaku lweggulo bweyabadde aggulawo olusirika lwa Bamnisita, Bammemba ba Central Execituve Committee aba National Resistance Movement – NRM wamu n’Abawandiisi abakulu mu Minisitule ez’enajawulo oluyindira e Kyankwanzi yerayiridde okufufugaza abali b’enguzi mu Uganda. Okusinziira ku alipoota ya IGG, Uganda efiirwa obwesedde 9 mu obuwumbi 7 mu buli bw’enguzi buli mwaka.