Poliisi ya Jinja Road yakoze ekikwekweto mu kuteekesa ebiragiro by’okulwanyisa #COVID-19 mu nkola mweyakwatidwa abantu 21 nga bano basangiddwa nga bakungaanye nga banywa amalwa mu Kasenke 4 ne 5 e naguru. Okunoonyereza kwakoleddwa era nebaggulwako omusango gw’okulagajjalira obulamu ekiyinza okuvaamu okusaasanya ekirwadde namutta, era nga balindirira kutwalibwa mu kkooti.#COVID19UG #COVID2019UG #StayHome #StaySafe

Minisitule y’Ebyobulimi n’obulunzi evuddeyo netegeeza nga bweyetaaga obuwumbi obulala 16 okusobola okulwanyisa ekibondo ky’enzige ekiggya ekizinzeeko Disitulikiti 3 endala mu Teso Sub-regin.Okusinziira ku kiwandiiko ekifulumiziddwa eri Bannamawulire kiraga nti waliwo enzige ento ezivudde e Kenya nga zayingiridde mu Disitulikiti y’e Amudat ku lw’okutaana nga 3 April – 2020. Ebibinja bibiri ebyayingidde byasasaanye mu Disitulikiti okuli; Kumi, Katakwi, Otuke ne Agago werwatuukidde olunaku olw’eggulo.Minisitule egamba nti enzige zino nto nga ziri ku mutendera weziriira ennyo nga zayalurirwa mu Kenya.Minisitule egamba nti Gavumenti yafuna obuwumbi 22 okulwanyisa enzige wabula nga bakyetaaga obuwumbi 16.18 Kabinenti bweyayisa wabula nga tezinabawebwa.

Maj. Gen. Kasirye Gwanga avuddeyo nategeeza nti akwatiddwa amaggye olw’okugaana abakuumi ababiri abamuweereddwa eggye lya Uganda Peoples’ Defence Forces. Wabula Omwogezi w’amaggye Brig. Richard Karemire bino abiwakanyizza natgeeza nti Gen. Kasirye atwaliddwa mu Ddwalira ly’amaggye e Mbuya okufuna obujanjabi.

Ssaabasajja Kabaka Ronald Muwenda Mutebi II awaddeyo obukadde kikumi (100m) okudduukirira abantube ku nsonga y’ekirwadde kya COVID19. Mu ngeri yeemu Ssaabasajja Kabaka awaddeyo ensawo z’obuwunga kikumi (eza 50kgs) eri abantube zibayise mu kiseera kino ekya ‘Lockdown’. #COVID19UG
Omulangira David Kintu Wasajja yakwasizza Hon. Prime Minister Dr. Ruhakana Rugunda kyeeke n’ebintu ebirala ebikalu ebinaakozesebwa mu kutangira ekirwadde kya #COVID-19.

Ssaabaminisita wa Bungereza Boris Johnson obulwadde bwa #COVID-19 bwagala kumulesa mmere atwaliddwa mu Intensive Care Unit asizza ku byuuma. #COVID19UK #COVID19 #COVID19UG #StayHome #StaySafe

Akakiiko ka Palamenti akasunsula ababa balondeddwa Pulezidenti aka Parliament Appointments Committee akabadde kakubirizibwa Sipiika Rt Hon Rebecca Alitwala Kadaga kagaanyi okuzza obuggya kontulakita ya Commissioner General wa Uganda Prisons Service -UPS Dr. Johnson Byabashaija.
Okusinziira ku nsonda ezesigika ezibadde mu kafubo akatakiriziddwamu b’amawulire, Bammemba ku Kakiiko bagaanyi Byabashaija lwa myaka.
Byabashaija nga kati alina emyaka 62, abatasobola kulondebwa mu kifo kino kuba okusinziira ku Public Service Omukozi wa Gavumenti alina okulondebwa mu kifo ekyekikula ekyo alina kubeera nga tasukka myaka 60.
Wabula eky’emyaka Byabashaija akiwakanyizza bwabadde ayogerako ne Bannamawulire nga agamba nti ye yawummula okubeera omukozi wa Gavumenti mu 2005 nga okuva olwo abadde akolera ku kontulakiti ebadde ezibwa obuggya Pulezidenti Yoweri Kaguta Museveni.
N’omumyuka we James Mwanje naye asuuliddwa wamu ne Leadership code Tribunal Chairperson, Irene Segawa Karugonjo.

Ekitongole ekirwanyisa obukenuzi n’obuli bw’enguzi okuva mu maka g’omukulembeze w’eggwanga ekya Anti Corruption Unit of State House nga kikolera wamu n’ebitongole by’ebyokwerinda ebyateereddwawo okulwanyisa ekirwadde kya COVID19 bagenze ku nsalo y’e Eregu mu Disitulikiti y’e Amuru nebakwata abasirikale ba Uganda Police Force wamu n’abeggye lya Uganda Peoples’ Defence Forces ababadde batulugunya Abakyala bebasanze mu lodge mu budde bwa curfew nga bagamba babadde bateekesa kiragiro kya Pulezidenti Yoweri Kaguta Museveni mu nkola.
Nga 3 – April amaggye ne Poliisi bazingako loogi ya Auma Margaret, Chairperson wa Elegu Women Cross-boarder Traders Savings and Credit cooperative Society ne bazingako Abakyala n’Abaami nga nabamu baali bukunya nebabavulunga mu bitoomi saako n’okubakuba.
Abasirikale ba Poliisi 11 wamu n’abamaggye 6 bebakwatiddwa . Aba UPDF 6 bakusimbibwa mu maaso ga Kkooti ya 4th Division nga 7 – April.
Abasirikale ba Poliisi kuliko; ASP Barenzi Richard, Sgt. Musasizi Charles, Cpl Odongo Jacob, PC Opado Moses, PC Opio Augustine, PC Okello Bosco, PC Okello Jimmy, PC Sentamu Richard, PC Byamukama Constatine, PC Funga Nelson ne PC Busingye Alla, ate aba UPDF kuliko; Lance Corporal Awinyi Abor Constatine, Pt Makanga Muhammed, Pt Eboku John Mack, Pt Mutenga Robert, Pt Ayo Silverster ne Pt. Ahimbisibwe Emma.
Oyo yenna eyatulugunyizibwa mu kaseera kano aka curfew wekubire enduulu eri Lt Col Nakalema, ku nnamba eyobwereere 0800202500 oba 0778202500 ku WhatsApp.

COVID19UGUPDATES;

Abantu 4 abalala bebakakasiddwa nti balina ekirwadde COVID-19. Olunaku lw’eggulo Abantu 300 bebakebereddwa ku Uganda Virus Research Institute Entebe. Kati abalwadde baweze 52 mu Yuganda. Bano bonna 4 Bannayuganda abaava e Dubai nga 22 March 2020 era nga babadde mu quarantine. #STAYSAFEUG #COVID-19 #COVOD19UG #COVID2019 #COVID2019UG

Wolokoso;

Eddy Kenzo avuddeyo nasambajja amawulire @Ashburg Katto gabadde atambuza nti Kenzo COVID-19 amubala embiriizi; “Nayogedeko ne Kato last evening yabadde ne idea about helping our people with small money via mobile money and I told him it’s a good idea but I couldn’t talk much because I was in hospital and I sent him a picture aleme kulowoza nti mulimba. I also told him that I’m sick but sagala kanga bantu because we have enough problems going on.

I’m so disappointed in Ashbag kato. Siganye I’m sick but not corona and I will be fine InshAllah. Nyina bad ulcers ate abantu beno emmele yabwe ebamu buto munji era ne kamulali munji so emmele yeyarese obuzibu. Nafunye chance nenfuna bana Uganda wano, my brother Raga Dee connected me to his sister Ritah and her husband they are very good people era bebantute mu hospital and Stellah sent me a message on Instagram told me nti abera wano she can help on anything and cooked for us good Ugandan food so I’m ok bambi I’m still weak but I will be fine. They checked corona, Malaria and were all negative so I will be fine.”