Akakiiko ka Palamenti akamateeka n’ensonga za Palamenti kavuddeyo nekasemba ekyokuzzaawo ekkomo ku bisanja bya Pulezidenti nga kagamba bibeere bibiri (2) wabula nebongera ku myaka okuva ku 5 gifuuke 7. Sipiika Rt Hon Rebecca Alitwala Kadaga akirizza okutandika okuteesa ku alipoota y’akakiiko kano nategeeza nti esonga y’omuwendo gw’ababaka yakutunulwamu ku kulonda okwokubiri n’okwokusatu nga bazzeemu okusoma enongosereza eno era okukubaganya ebirowoozo ku bbago lino kwongezeddwayo wiiki ejja.

Pulezidenti Yoweri Kaguta Museveni nga awayaamu n’omulamuzi omuggya owa Kkooti Enkulu Margarey Apiny nga yakamaliriza okukuba ebirayiro bye mu Maka g’obwa Pulezidenti Entebe. Apiny abadde Muwandiisi wa Law Council.

Chairperson wa Uganda Land Commission Beatrice Byenkya avuddeyo neyegaana ekyokusaba Supplementary Budget eyobuwumbi 18 ezokuliyirira Bannanyini ttaka eririko enkayana okugeza nga Medard Kiconco (ow’ettaka ly’e Lusanja) ne Dodoviko Mwanje (ow’ettaka ly’ekkanisa y’omu Ndeeba) eyaweereddwayo Minisita Beti Olive Namisango Kamya.