Minisita avunaanyizibwa ku byokwerinda Jacob Oboth yavuddeyo nategeeza Palamenti nga bwatamanyi ku kya Maggye ga Uganda aga UPDF okuba nti gasindikiddwa e South Sudan okuyamba okukkakanya embeera nga bwekyalangiriddwa Omuduumizi w’Eggye lya UPDF Gen. Muhoozi Kainerugaba. Oboth yategeezezza nti tanatuula mu lukiiko lwonna lukiriza maggye ga UPDF kugenda Sudan. Ono yasabye Palamenti emuwe akadde amale okwebuuza oba nga ddala kituufu.
Kino kyaddiridde Omubaka Ibrahim Ssemujju nganda okusaba Omumyuuka wa Sipiika Thomas Tayebwa okusooka okuyirimiriza okuteesa, Gavumenti esooke eveeyo ennyonyole lwaki UPDF yasindikiddwa e South Sudan nga tebafunye lukusa kuva mu Palamenti ng’etteeka bwerigamba. Oboth era yayongeddeko nti Ssemujju olwokuba Munnamawulire asobola okufuna obubaka obwo nti naye ye nga Munnamateeka akolera ku bukakafu nti era ye tagoberera bya ‘social media’.
#ffemmwemmweffe

Kitalo!

Benjamin Agaba, omuwagizi wa National Resistance Movement – NRM eyekumako omuliro mu maaso ga ggeeti ya Palamenti omwezi oguwedde ngalumiriza ekibiina kye obutamuyamba afudde.

Ono yafiiridde mu Ddwaliro ly’e Kiruddu gyabadde afunira obujanjabi.

Benjamin yavaayo nategeeza nti yafiirwa ebintu bye nawokubeera ne Kitaawe lwakuwagira NRM era ngalumiriza abawagizi ba National Unity Platform okukikola nti wabula bweyaddukira ku kitebe kya NRM okuyambibwa bamugoba bugobi.

#ffemmwemmweffe

Kitalo!
Omusirikale wa Uganda Police Force, okuva mu Field Force Unit IP Nelson Namanya afiiridde mu kabenje e Buswabulongo ku luguudo oluva e Mityana okudda e Mubende. Ono abadde akolera ku detach ya FFU e Kisita, mu Disitulikiti y’e Kassanda
Kigambibwa nti Namanya eyabadde atambulira ku piki piki nnamba UP8016 yatomedde lukululana nnamba UBJ394S/ UAD535Q eyabadde epakinze ku kubo. Okusinziira ku mwogezi wa Poliisi owettunduttundu lye Wamala agamba nti okufa kwono kwavudde ku bulagajjavu bwa ddereeva wa tuleela eyapankize obubi kukubo, era nasaba abagoba b’ebidduka okufuna reflector zebateeka ku nguudo okulaga nti emotoka efiiridde mu luguudo.
Bya Joseph Balukuddembe
#ffemmwemmweffe

Akwatidde Ekibiina kya National Resistance Movement – NRM mu Kalulu ka Kawempe North Faridah Nambi, avuddeyo nategeeza nga bwagenda okukolera awamu ne Gavumenti okulaba nti Kawempe nnyonjo. Bino yabyogeredde mu zooni okuli; Lutunda, Wampampa, Kiyanja, Kikuubo ne Kitambuza mu muluka gwe Kanyanya.
Ono era yategeezezza nti wakulaba nti Kawempe efuna amasomero ga SEED, amazzi amayonjo wamu nokulaba nti ekizibu kya ssente zobupangisa ezibinikibwa abapangisa zikendeerako.

#KawempeNorthByElection
#ffemmwemmweffe