Ssentebe w’Akakiiko k’ebyokulonda aketengeredde aka Independent Electoral Commission Uganda Omulamuzi Simon Byabakama Mugenyi avuddeyo nategeeza nga enteekateeka z’okujjuza ekifo ekyabaddemu Sipiika Jacob Oulanyah bwezawedde edda era nga abegwanyiza ekifo kino basobola okutegeka okwendiisa okutandika nga 12 May 2022 olwo okulonda kubeerewo nga 26-May-2022.

Pulezidenti Yoweri Kaguta Museveni ngomuduumizi w’eggye lya UPDF owokuntikko akulidde omukolo gwokufulumya abasirikale b’eggye ekkuumabyalo erya Local Defence Personnel (LDP) 6237 ku Oliver Tambo Military Training School, Kaweweta mu Disitulikiti y’e Nakaseke.

Omumyuuka wa Pulezidenti Jessica Alupo bwabadde asoma obubaka bwa Pulezidenti Museveni eri abakungubazi ategeezezza nti ensonga zonna ezoogeddwa Muzeeyi Nathan Okori, Taata w’omugenzi Sipiika Jacob Oulanyah nga pulojekiti ezitanggwa wamu n’okuyamba abaana bwagenda okuzituusa eri Pulezidenti.

Sipiika wa Palamenti Rt. Hon. Anita Among; “Neebaza nnyo Pulezidenti Museveni olwokukola kyonna ekisoboka okutaasa obulamu bwa muganda waffe Jacob Oulanyah. Era nebaza Palamenti olwokuyimirirawo wamu mu kaseera kano akokusoomozebwa.” #RIPOulanyah

Taata w’omugenzi Rt. Hon. Jacob Oulanyah, Nathan Okori; “Najgala okubategeeza mukimanye nti Jacob Oulanyah yaweebwa obutwa. Yangamba. Abasawo bagezaako okulwanyisa obutwa buno. Kino kyanafuya nnyo obulamu bwe nga tasobola kuwona.”