Minisita w’ensonga za Ssemateeka n’essiga eddamuzi era Pulezidenti wa Democratic Party Uganda, Norbert Mao agamba nti kyasimbye essira kati kwekulaba nti Pulezidenti Yoweri Kaguta Museveni ava mu bukulembeze mu mirembe awatali kumusindikiriza yadde okuyiwa omusaayi nga agamba nti kino kyekijja okuyamba Yuganda okusigala mu mirembe esobole okukulaakulana.

Twahira Akandinda Mukyala w’Omubaka wa Kawempe North Hon. Ssegiriinya Muhammad wamu ne Maama we Justine Nakajumba bakedde ku offiisi ya Minisita avunaanyizibwa ku nsonga za Ssemateeka n’ekitongole ekiramuzi okugezaako okusisinkana Minisita Norbert Mao wabula nebagaanibwa abebyokwerinda okuyingira ababalagidde okudda oluna olw’enkya basobole okumulaba.