Akulira oludda oluwabula Gavumenti mu Palamenti Munnakibiina kya National Unity Platform Hon. Mathias Mpuuga Nsamba; “Abaffe ne Uganda Police Force nayo kitundu ku Gavumenti! Egula ‘drone’ empya netagulira Poliisi motoka? Tulina ‘drone’ empya nnyingi ezitalina nnamba nga ziwamba Bannayuganda entakera wabula zzo tezibulwa mafuta naye tuli wano tukaaba mafuta ga motoka za Poliisi ennawunyi? Okusalawo kwaffe ku bintu byomuzinzi kuliwa? Kiki ekisinga obukulu?”

Omubaka wa Kira Municipality Munnakibiina kya Forum for Democratic Change – FDC Hon. Ibrahim Ssemujju Nganda; “Nateeka obukadde 3 mu nnimiro e Bulimu mu Mukono nenima byenalima, byanakungula nafunamu akakadde 1 nemitwalo 80! Gavumenti erina okuteeka amaanyi ku bbeeyi y’ebirime. Omuntu n’olima ennanansi, notunda ennanansi 4 ku mutwalo gumu!”

Omusawo omulala okuva mu Disitulikiti ye Mubende afudde ekirwadde kya Ebola, E Kassanda omuwendo gw’abalwadde b’e Ebola guweze abantu 43. Disitulikiti y’e Kassanda ne Mubende zzo zikyali ku muggalo ogwateekebwawo okulaba nti ekirwadde kino tekisaasanira Ggwanga lyonna.

Ekibiina kya National Unity Platform kivuddeyo nekitegeeza nga akawungeezi keggulo bwebakomezaawo Bannayuganda abalala 18 okuva e Dubai mukaweefube gwekiriko okukomyaawo Bannayuganda abakuumirwa mu ‘detention centers’ ezenjawulo mu nsi za Bawarabu. Bano begasse ku Bannayuganda 70 abatuuse ku Sunday. Ekibiina kisiimye nnyo abo bonna abavuddeyo neberekereza nebaduukirira omulanga guno ogutakungula.

Omukulembeze wa National Unity Platform – NUP Kyagulanyi Ssentamu Robert aka Bobi Wine; “Olunaku lweggulo twakyalidde ku Hajji Abdul Nadduli e Wobulenzi, mu Luweero. Twatuusizaayo obubaka bwaffe obwokusaasira olwokufiirwa mutabani we Jakana Nadduli. Kyanaku okumulaba ngali mu naku n’ekiyongobero mu maka ge.”