Al Hajj Abdul Nadduli avuddeyo nategeeza Radio Simba ku lukomo lw’essimu nga abafamire ababadde bakwatiddwa abebyokwerinda bwebabayimbudde oluvannyuma lwokukizuula nti ku misango egibadde gibakwasizza tebalina kyebagimanyiiko wabula nagaana okugyatuukiriza.

Pulezidenti Yoweri Kaguta Museveni era omuduumizi w’eggye lya UPDF owokuntikko yakoze enkyuukakyuka mu ggye; Lt Gen Charles Lutaaya alondeddwa ngomuwabuzi wa Pulezidenti ku nsonga z’eggye eryomubbanga, Maj Gen Charles Okidi akuziddwa okutuuka ku ddaala lya Lt Gen nafuulibwa omuduumizi wa Air Forces, Lt Col Stephen Kiggundu akuziddwa nafuulibwa Brig Gen nalondebwa ngomumyuuka w’omuduumizi wa Air Forces.

Richard Birivumbuka nga ye muwaabi wa Gavumenti ali mu mitambo gy’emisango egivunaanibwa Ababaka Bannakibiina kya National Unity Platform egyekuusa ku ttemu eryali mu ttundutundu ly’e Masaka okuli; Hon. Allan Ssewanyana ne Hon. Mohammad Ssegiriinya avuddeyo nalaajanira Kkooti Enkulu ewozesa Bakalintalo emutaase ku bavunaanibwa nabenganda zaabwe abamusojja entakera nga bamulumiza okubalemesa okufuna obwenkanya so nga naye akola mulimu gwe.