Pulezidenti Yoweri Kaguta Museveni ettuntu lyeggulo yalimazeeko ngalabula emirimu egikolebwa mu Kampala n’e Entebe nga Uganda yeteekerateekera olukungaana olwomulundi ogwe 19 olwa Non-Aligned Movement Summit (NAM) mu January 2024. #namsummitug2024

Akakiiko k’ebyokulonda aketengeredde mu Ggwanga lya Liberia kalangiridde Joseph Boakai ng’omuwanguzi mu kalulu k’obwa Pulezidenti bw’eggwanga eryo oluvannyuma lwokumegga abadde Pulezidenti, George Weah. Boakai awangulidde ku bitundu 50.9 ku 100 ate Weah n’afuna ebitudu 49.1 ku 100.

Maama Nnaabagereka Sylvia Nagginda nga ateeka omukono ku ssatifikeeti ng’omujulizi mu bufumbo obutukuvu obwa Kyabazinga William Gabula Nadiope IV ne Inebantu Joviah Mutesi ku Christ’s Cathedral Bugembe, Jinja. Ebikumi nebikumi by’abantu beyiye ku Lutikko e Bugembe okubaawo nga abajulizi nga Kyabazinga William Gabula Nadiope IV agattibwa ne Inebantu Jovia Mutesi olwaleero.