Abatuuze ku kyalo Kisibe ekisangibwa mu Ggombolola y’e Gombe mu Disitulikiti y’e Wakiso baliko omuvubuka wa myaka 25 gwebakubye emiggo egimuserengesezza ekalannamo nga nga bamuteebereza okubba omubbi.

Omuvubuka ono abadde tannategeerekeka mannya ge, abatuuze bamusanze asibye ensawo za kasooli ssatu ku Pikipiki nebamukaza era nebalowooza nti mubbi okukkakkana nga bamuserengesezza e Kalannamo.

Police okuva e Matugga weetuukidde nga z’embuyaga ezikaza engoye era OC wa Police y’e Matugga ASP Kabagambe Herbert alabudde abantu obutatwalira mateeka mu ngalo.

Omusasi waffe Fred Mugabi atutegeezezza nti Kati oyo ye wookuna mu myezi ebiri okuttibwa olw’obubbi obukudde ejjembe mu kitundu kino.

Abakadde abakulu abeebuuzibwako ensonga mu Bukama bwa Tooro bawakanya eky’okukola ennongoosereza mu Ssemateeka ku nnyingo ya 102b era nga bagamba nti ensonga eno abagiriko baalibadde bagiggyamu enta.

Bano mu kiwandiiko kyebaayisizza baagambye nti bbo nga abakadde balaba nga ensonga eno eriwo ssi y’esiiwa n’okuluma Bannayuganda n’olwekyo yaalibadde teyanguyirizibwa.

Era beebuuza abantu abaayaayaanira ensonga eno obwangu bwebazudde obwetaagisa okugikolako songa ate waliwo ensonga endala nnyingi zebalowooza nti zaalibadde zikolebwako naye ate zisuuliddwa muguluka songa ze zisinga okuluma Bannayuganda.

Nampala w’ababaka ba NRM mu Palamenti, Ruth Nankabirwa agaanye ababaka mu Palamenti aba NRM abawakanya eky’okuggya ekkomo ku myaka gya Pulezidenti okwetaba mu lukungaana lw’ababaka ba NRM olutudde olwaleero mwebaagala okuyita okutema empenda z’okwagazisa abantu eky’okuggya ekkomo ku myaka gy’omukulembeze w’eggwanga

Nankabirwa agamba nti ababaka bano baabeeyawulako mu kuwagira ensonga eno era nebagiwakanyiza ddala n’olwekyo tewali nsonga ebeetabya mu lukiiko luno.

Mu bano mulimu;Gaffa Mbwatekamwa ow’essaza ly’e Kasambya, Patrick Nsamba owa Kasanda ey’amambvuka , Monica Amoding omubaka omukyala owa Disitulikiti y’e Kumi,Barnabas Tinkasimire owa Buyaga , Theodore Sekikubo owa ow’essaza ly’e Lwemiyaga n’abalala .

Gavumenti etiisatiisizza okufuumuula abakozi baayo bonna abali mu kwekalakaasa singa tebadda ku mirimu mbagirawo.

Bw’abadde ayogerako ne Bannamawulire ku Ssengejjero lya Gavumenti ery’amawulire mu Kampala ( Uganda Media Center), Minisita Wilson Muluuli Mukasa avunaanyizibwa ku nsonga z’abakozi agamba nti abakozi ba Gavumenti bonna abali mu kwediima bateekeddwa okudda ku mirimu gyabwe bunnambiro okutuusa nga ekiseera Gavumenti kyeyawa eky’ennaku 90 okuddamu okutereeza emisaala gy’abakozi ba Gavumenti kiweddeko era nga kino kiggwako ku nkomerero y’omwezi guno ogwa museenene.

Wetwogerera nga kati abawaabi ba Gavumenti bali mu keediimo era nga katutte olunaku olwokuna nga entabwe eva ku misaala gyabwe n’ebintu ebirala

Abasumba abakuukuutivu abasoba mu 500 ab’enzikiriza y’ekirokole balangiridde abasumba basatu wano mu Kampala ab’amannya nga bwebali ab’obulimba era nga okukola kino basinzidde ku Kkanisa ya Christian Life Church e Makerere Kavule akawungeezi ka leero nga bayitamu bibiina byabwe bisatu mwebeegattira omuli; Born Again Faith federation (BAFFE), Born Again Christian Federation (BACF) ne National Fellowship of Born Again Pentecostal churches (NFBPC).

Abalangiriddwa nga ab’obulimba be; Nabbi Samuel Kakande akulira kkanisa ya The Synagogue Church of all Nations, Omusumba Yiga Augustine akulira Revival Christian Church e Kawaala Brother Ronie Makabai owa Evangelical Truth Ministries (ETMI).

Omusumba Jackson Senyonga akuliddemu ekikwekweto kino eky’okufuuza abasumba ne ba Nabbi ab’obulimba wonna mu ggwanga asabye Gavumenti eyingire mu nsonga zino era etandike okunoonyereza ku bantu bano abasatu.

The Highcourt in Kampala has ordered government to pay 80 million shillings to 22 people each who were arrested in connection to the murder of former AIGP Andrew Felix Kaweesi for torture while in custody.

Justice Margaret Oguli-Oumo has made the order this afternoon after satisfying herself with evidence of these suspects showing that their funamental rights to freedom from torture and inhumane degrading conditions were violated by both police and UPDF officers.

The judge has also based her ruling on a report by the African Centre for Treatment and Rehabilitation of torture victims which examined 19 suspects and found out that they suffer from both physical and psychological impairments for which they have never been treated for.

Justice Oguli has ruled that the suspected were violently and forcifully arrested by military personnel and unlawfully detained in military custody before being remanded to police cells even after being charged before Nakawa court and an order to formally be remanded to Luzira prison.

However the judge has declined to grant an order releasing the suspects saying they still have pending charges before a competent court.

Police e Nakaseke eriko omusajja gwegombyemu obwala ateeberezebwa okukkira muwalawe wa mwaka gumu n’amutugumbula n’amutta wamu n’okugezaako okutta mukyalawe .

Hetchko Sserunjogi nga mutuuze wooku kyalo Katale ekisangibwa mu ttawuni kkanso y’e Ssemuto mu Disitulikiti y’e Nakaseke y’etemeza emabega w’emitayimbwa oluvannyuma lw’okutta muwalawe Pretty Nabatanzi ate n’okugezaako okutta mukwalawe ategeerekeseeko erya Nabatte mu kiro ekikeesezza olwaleero.

Mulirwana wa Sserunjogi, Moses Ssengendo ategeezezza Luboggola Simba nti omusajja ono yakomyewo ekiro nga ssaawa munaana ng’atamidde n’atandika okuyomba ne mukazi we wabula omukazi bweyasimattusse ate omwana n’akafiiramu. Kitalo

Abatuuze ku kyalo Lulyambuzi ekisangibwa mu Ggombolola y’e Wankole mu Disitulikiti y’e Kamuli baguddemu ekikangabwa bwebasanze mutuuze munnaabwe Lubaale Disan ow’emyaka 35 nga yeeyimbyemu ogwa kabugu ng’alengejjera ku muti gw’omuyembe.

Omusasi waffe Wannume Ramadhan atutegeezezza nti =Police etandise okukola okunoonyereza ku nfa y’omusajja ono.

Entiisa ebuutikidde abatuuze ku kyalo Nakazadde ekisangibwa mu Munisipaali y’e Lugazi omwana omulenzi wa myaka musanvu bw’agwiriddwako embwa nezimuluma n’afiirawo.

Omwana ono ategeerekeseeko erya Ivan nga mutabani wa God avuga Bodaboda e Lugazi, agobeddwa embwa ku ssaawa nga kkumi ez’akawungeezi ka leero awo enkuba w’etonnyedde okukkakkana nga zimutuusizza mu musiri gwa lumonde gyezimugwiriddeko ekiyiifuyiifu okukkakkana nga aserengese ekalannamo.

Ssentebe w’ekyako Nakazadde, Omwami Kibirango Israel akakasizza bino era n’asaba abakulira Munisipaali y’e Lugazi okubaako kyebakolera embwa zino ezitaayaayaa buli kadde.