Abantu nga babinuka amasejjere mu bikujjuko bya Ssekukkulu mu kiro ekikeesezza olwaleero ate waliwo omusajja aluguzeemu obulamu e Kamuli mu kibuga oluvannyuma lw'okukubwa essasi ku mutwe n'akalirawo. 

Omusasi waffe obuuyo obwo,  Wannume Ramathan atutegeezezza nti ono okufa entabwe yavudde ku bantu kwekumamu ogutaaka nebatandika okwonoona obutebe n'ebintu ebirala oluvannyuma lw'abyimbi abamu abaalangibwa obutalabikako. 

Wabula mukavuvungano nga Police egezaako okukkakkanya n'okuzza embeera mu nteeko, Omusajja omu atemera mu gy'obukulu 40 nga tannategeerekeka mannya ne gyeyavudde,  n'akubwa essasi ku mutwe obwongo nebuvaayo era n'akalirawo. 

Kitalo!  Omulambo guli mu ddwaliro ekkulu e Kamuli. 

Police mu Kampala ekedde Kunoonyereza ku ngeri abantu abatannategeerekeka gyebaalumbye yafeesi z'ekitongole kya CCEDU ( Citizens Coalition for Electoral Democracy in Uganda) mu kiro ekikeesezza olwaleero nnebaweweenyula omukuumi emiggo era n'emmundu ye nebakuuliita nayo. 

Crispy Kaheru omukwanaganya w'ekitongole kino agamba nti mu kiseera kino bali mu kwekenneenya okumanya ebintu bimeka ebyabbiddwa. .

Ekigendererwa kya kino nabuli kati tekinnategeerekeka !

Abawuliriza ba Luboggola Simba mwenna okuva mu buli kanyomero ka nsi tubayozaayoza okutuuka ku mazaalibwa ga Yesu Kristu nga mukyatemya ate nga mutuwuliriza ate n'okutuwagira mu byonna. 

Awo nno Bannannyini Simba,  abagikulira wamu n'abakozi bonna kyebava bakwagaliza Ssekukkulu ennungi ate n'omwaka omuggya 2018 ogujjudde obuwanguzi nga Simba yammwe eweza emyaka 20 nga eyuuguumya amayengo g'empewo za Radio. 

Wabula tukusaba osanyuke nga okimanyi nti ate n'omwaka oguggya ggwe muwuliriza waffe nnamba emu,  awo nno obulamu kikulu. 

Merry 🎄 Merry 🎄 and Happy New Year 

Police e Kannungu eriko omusajja wa myaka 54 Gaston Bataringaya nga mutuuze ku kyalo Rwencuuncu mu muluka gw'e Mishyenyi ekisangibwa mu Disitulikiti y'e Kannungu gwegombyemu obwala lwakutta mutabani we Doroviko Muhoozi myaka 25  lwakumubeeba ssente za Ssekukkulu . 

Aduumira Police mu Disitulikiti y'e Kannungu Tugumenawe agamba nti okulwanagana wakati wa Taata n'omutabani kwatandise ssaawa ssatu ez'ekiro ky'olwokutaano  Muhoozi bweyakomyewo okuva mu Kampala n'atandika okubeeba kitaawe ssente ezigula engoye za Ssekukkulu wamu n'ezomwenge , mu kulwanagana kuno Muhoozi n'abaka akambe n'akafumita kitaawe mu mugongo wabula oluvannyuma kitaawe n'amusinza amaanyi n'akamuggyako era mu kwerwanako n'afumita mutabani  mu lubuto wabula n'afa nga addusibwa mu ddwaliro ly'e Kisiizi e Rukungiri. 

Pulezidenti w'ekibiina ekitaba abasawo ba Ddokita mu ggwanga ekya Uganda Medical Association (UMA) Dr. Obuku addusiddwa mu ddwaliro lya Case Clinic mu Kampala oluvannyuma lw'okulubibwa abantu abataategeerekese mu kiro ekiyise nebamukuba bubi nnyo.

Police egamba nti Dr. Obuku gyebuvuddeko yeeyakulemberamu abasawo mu malwaliro ga Gavumenti wonna mu ggwanga okwediima olw'emisaala emitono.

Ayogerera Police mu Kampala n'emiriraano, Luke Owesigyira agamba nti Dr. ono yalumbiddwa mu ekiro ekikeesezza leero  ku ssaawa ttaano era baamusanze ku mulyango gw'ekikomera ky'amaka ge agasangibwa e Kitikifumba mu Divizoni y'e Kira ng'alinda kumuggulira nebamukuba era n'essimu ye nebakuuliita nayo .

Dr. Brian Kasagga ayogerera ekibbina ky'abasawo kino agamba nti Dr. Obuku yafunye ebisago eby'amaanyi ku mutwe, ennyindo era n'avaamu n'omusaayi mungi wabula tebannamanya oba baabadde babbi, Bakifeesi obwa abantu abalina ebigendererwa ebirala . 

Nga aba NRM bakyajaganya olw'okuyisaawo etteeka eriggya ekkomo ku myaka gya Pulezidenti gamba Okugikwatako nga bw'ebadde yafuuka engombo, bo ababaka abawakanya kino batongoza K'OGIKUTTEKO okuwakanya ebyabaddewo.

Nga bakulemberwamu akulira oludda oluvuganya Gavumenti, Hon. Winnie Kiiza bagamba nti boolekera kkooti okuwakanya ebyo ebyayisiddwa babaka bannaabwe omuli n'ekyokwongezaayo ekisanja ky'ababaka  okuva ku myaka etaano (5) kidde mu myaka musanvu (7)

Ye John Baptist Nambeshe omubaka akiikirira essaza ly'e Manjiya asekeredde babaka banne abaawagidde kino era n'abageraageranya ku Yuda Iscariot eyalyamu omwana wa Katonda olukwe nabwekityo nabo baalidde mu bantu baabwe wamu n'eggwanga olukwe era ebyo byebalowooza nti baafunye eky'emyaka omusanvu ku kisanja , ebyo byoya bya nswa. 

Palamenti ya Yuganda olwaleero ku ssaawa ttaano ez'ekiro eyisizza etteeka eriggyawo  ekkomo ku myaka gya Pulezidenti okuva ku myaka 75 okudda waggulu nga kati oli aba waddembe okwesimbawo wadde ng'asussa emyaka 75 .

Ababaka ba Palamenti 315 aba NRM bawagidde okugikwatako ennyingo ya 102b ate 62 nebawakanya okugikwatako nga ne mu abo mulimu abava mu Kibiina kya NRM. 

Wabula era mu kukola ennongoosereza mu Ssemateeka,  ababaka basazeewo okukomyawo ebisanja nga omukulembeze akoma ku bisanja bibiri so ate era ababaka basazeewo okweyongeza emyaka gy'ekisanja nja kifuuse kya myaka musanvu (7) ogwekutte .

Kati etteeka lisigalidde Pulezindenti kuteekako mukono 

Kabadde Kaseera ka bunkenke olwaleero mu Palamenti nga ababaka bakuba akalulu ku bbago ly'etteeka ly'ekkomo ly'emyaka erirudde nga litambuza abangi akannaginnagi nga n'abamu libagombesezzaamu obwala.

Akalulu wekaggweredde nga abawagira okukwata ku nnyingo ya 102b aba NRM balina obululu 317 ate nga abawakanya balina obululu 97,  ate 02 tebalonze era kino nekisobozesa aba NRM okuweza obululu obwetaagisa nebasussanamu era nekireetera ebbago lino okweyongerayo ku mutendera oguddako ku lusoma olwokubiri .   

Wetwogerera nga Kati ebbago liri mu kakiiko akakulirwa Sipiika era liyitibamu kanyomero ku kanyomero 

Ebintu by' ateeberezebwa okutemula abantu bana e Mubende bya bukadde na bukade bwa nsimbi bisaanyiziddwawo abantu abatannategeerekeka. 

Ebintu ebisaanyiziddwawo bya Ssebadduka Juma ow'emyaka 40 nga mutuuze ku kyalo Kyambisi mu Ggombolola y'e Kibalinga e Mubende era nga ono yakwatibwa Police oluvannyuma lw'okuteeberezebwa okubeera nga alina ky'amanyi
ku ttemu eryakolebwa ku bantu abana nga 16, Ntenvu Omwaka guno .

Renza Robert Ssentebe wa LC 1 owekyalo  Kyampisi , Muhumuza mulirwana wa Ssebadduka ne Ssengoba Shaban muganda wa Ssebadduka bategeezezza nti mu bintu bya Ssebadduka ebyasaanyiziddwawo mulimu
ennyumba 3 ezaayokeddwa,  ensuku, ennimiro ya muwogo, Kasooli n' emifaliso ebibalirwamu obukadde no obukadde bwe ensimbi era nga abaakoze kino tebannategeerekeka.