Waliwo abantu abali eyo mu bibiri omuli abaana n’bakyala abayiiriddwa motoka ekika kya tipa mu Disitulikiti y’e Mubende ku kyalo Kattabalanga mu kiro ekyakeesa olunaku lwegulo, bano bategeezezza abatuuze nti bagobebwa ku bibanja byabwe ku kyalo mu bitundu by’e Hoima ne Kagadi nga webabayiridde wano baabadde bolekera offiisi za National Resistance Movement – NRM mu Kampala okuyambibwako

Omubaka wa Omukyala owa Kampala Munnakibiina kya National Unity Platform Hon. Shamim Malende enkya yaleero ku offiisi ye e Kawempe atongozza pulogulaamu yakugabira abakyala abasulirira okuzaala ‘Mama Kits’okuva mu Kampala ne Disitulikiti ezirinaanyeewo. Ono ategeezezza nti wakugenda mu maaso n’okugaba Mama kit abatalina mwasirizi mu bitundu ebyenjawulo. Ono bamunyonyodde ensonga zaabwe nabasuubiza okuzituusa mu Palamenti.

Pulezidenti Yoweri Kaguta Museveni avuddeyo naawa omusajja eyakwata abatta Omukulu w’Ekika ky’Endiga Lwomwa Bbosa Daniel ekirabo olunaku olwaleero mu State House Entebe. Pulezidenti Museveni awadde Abdul Katabazi omuddaali gwa Nalubaale era namwebaza okubeera omuvumu era yakola obuzira obutagambika. Agambye nti ono naye kati afuuse omulwanyi era neyeyama okuwa aba booda booda abalala abenyigira mu kugoba abatemu obuyambi.

Omubaka omukyala owa Kampala era Munnamateeka wa basibe Bannakibiina kya National Unity Platform Hon. Shamim Malende yatuuse dda ku Kkooti e Nabweru ku misango gyobutujju egivunaanibwa abawagizi ba NUP okuli Magala Umar n’abalala 10. Bano kwateekebwako abalala 2 okuli; SSEBAGALA RASHID ne SSEKABEMBE SALIM, ye RESTY BIRUNGI ne FARIDA MASABA bagibwako emisango era nebayimbulwa.

Sipiika wa Palamenti Nnaalongo Anitah Among; “Mu Lukiiko olutudde ettuntu lyaleero wakati w’Abakulembe b’ekitongole ekitwala ekibuga Kampala ekya Kampala Capital City Authority – KCCA okubadde; Executive Director Dorothy Kisaka ne Lord Mayor Erias Lukwago, tutuuse ku nzikiriziganya ku nsonga yobutasula bakozi balongoosa kibuga. Ndi musanyufu okubategeeza nti tusobodde okumaliriza ensonga eno.”

Akulira ekitongole ky’amakomera mu Ggwanga ekya Uganda Prisons Service Johnson Byabashaija, avuddeyo nawagira ekiteeso kyokukyuusa ekkomera ly’e Luzira. Ono agamba nti kiba kyabuvunaanyizibwa okukozesa ettaka lino ekintu ekivaamu ensimbi era ngakiwa abantu abawerako emirimu okusinga okuteekawo ekkomera.

Nickson Agasiirwe ayimbuddwa Kkooti y’Amaggye oluvannyuma lwokumuggyako emisango ye nabalala 2 okuli Hernet Muhangi ne Col. Nduhura Atwooki. Bano babadde bavunaanibwa emisango egyokuyambako n’okuwamba abantu, okuzzaayo Bannansi ba Rwanda ababundabunda ku mpaka wamu n’okuwa Bammemba ba Boda boda 2010 emmundu (okulemererwa okukuuma ebyokulwanyisa).