Nakiyingi Allen 30, nga mutuuze w’e Kimwanyi Nakwero kigambibwa nti yandiba nga yattiddwa muganzi we namuziika mu muzigo mwabadde abeera.

Nalunkuuma Ritah muganda w’omugenzi agamba nti Nakiyingi yababulako ku lw’omukaaga nga 27 – July okutuuse leero lwebazudde omulambo ggwe.

Kanyike Deogratious Ssentebe wa LC1 owa Wambaale Cell omulambo gwa Allen wegusangiddwa agamba nti kituufu gwazuuliddwa mu kitundu kye nga guzingiddwa mu buveera.

Omwogezi wa Poliisi mu Kampala n’emiriraano Luke Owesigire agamba nti muganzi wa Allen eyategerekeseeko erya Julius ye yadduse era nga kati Poliisi eri ku muyiggo.

Omubaka wa Kawempe South mu Lukiiko olukulu olw’eggwanga Mubarak Munyagwa Sserunga Mugaati gwa Bata adizza abantu be bw’abagulidde emotoka gafa e Mulago (Mobile Clinic) nga eno egenda kuba eyamba okuwa obujanjabi obwembagirawo ku bitundu nga erimu abasawo abakugu n’eddagala.

IGP Okoth Martins Ochola ayimirizza ebokwekweto ku Boda Boda mu Kampala n’emiriraano era nalagira ASP Luyima James atandike okunoonyerezebwako mu bubaka bwawerezza Director wa Traffic and Road Safety Dr. Stephen Kasiima.

Kigambibwa nti IGP okuyimiriza ebikwekweto bino kidiridde abanti abawerako okwekubira enduulu nga bagamba nti ebikwekweto bino bifuuse olusuku oluvaamu ensimbi z’Abasirikale ba Traffic bulu lunaku nga bakwata aba Boda Boda oluusi awatali musango nebabata oluvannyuma lw’okubawa ssente.

Agava munsonda ezesigika galaga nti obubbi buno bubadde businga ku Poliisi ya CPS wamu neye Katwe awasinga okusibirwa abavuzi ba Boda. Ye Omwogezi w’ekitongole kya Traffic ACP Charles Ssebambulidde bwetwogeddeko naye tawakanyizza kino yadde nga era takikakasizza nga agamba nti naye abiwulidde mu ngambo wabula akyalinda kiragiro okuva eri mukama we Dr. Kasiima.

Akabenje;

Emotoka ekika kya Pajero GDI nnamba UAY 259H efunnye akabeje ku Luguudo lwa Entebe Express Highway e Kigo. Kigambibwa nti omugoba abadde addaku mizibu nemulemerera netomera ebisenge ebyawula ekkuboAkabenje;
Emotoka ekika kya Pajero GDI nnamba UAY 259H efunnye akabeje ku Luguudo lwa Entebe Express Highway e Kigo. Nemufiiramu Mageza Thomas nga munnansi wa South Africa y’omu kubabadde bazze ku mikolo gya Ramaphosa ne Birungi. Omugoba Waigumbulizi George ne Mukyala we Namuli Racheal balumiziddwa nnyo.Kigambibwa nti omugoba abadde addaku mizibu nemulemerera netomera ebisenge ebyawula ekkubo..

 

President Kaguta Museveni omu ku bagenyi ababadde ku mukolo gwa Ramaphosa ne Bridget yagambye nti bwebakuyita ku mukolo tosaanye kugenda kuweza muwendo gwabalya mmere osaana okuwaayo. Bino yabyogedde awaayo ebbaasa gyeyagambye nti z’ente zawaddeyo eri abagole.

Omubaka wa Mukono Municipality Betty Nambooze Bakireke akomyewo mu ggwanga okuva e Buyindi mu ddwaliro lya Manipal. Ono amazeeyo omwezi mulamba nga ajanjabwa omugongo ogwaddamu okutabuka oluvannyuma lw’okukwatibwa ku byekuusa ku kuttibwa kw’omubaka Ibrahim Abiriga ne Muganda we mu June.

Omusumba w’Essaza ly’e masaka kitaffe mukatonda Rev. Fr. John Baptist Kaggwa akubirizza abasosolodooti okwatagana obulungi n’omwepisikopi wamu n’okukolagana obulungi naba kristu. Bino omusumba abyogedde akulembeddemu ekitambiro kya misa mu e kerezia lutikko e Kitovu mu district y’e Masaka kumukolo ogw’okuwa obu father saako n’obudyankoni. Abafunye obu father bawerela ddala 11 ate abafunye obudyankoni bali 16 era nga ku bano kuliko Rev. Fr. Gonzaga Lukyamuzi ng’ono ava mu Parish y’e Kyanukuzi, Fr. Sonko Denis, Fr. Elias Tumwesigye nabalala.

Bo abafunye obudyankoni kuliko Kakoonye Godfrey, Ssekwe Mukasa Antoney, Onyango Joackim, nabalala.

Akabenje kagudde e Ntinda ekiro ekesezza olwaleero emotoka bbiri bwezitomereganye okubadde UAQ 062P ne Subaru Forester nnamba UBA 874Q. Abazibaddemu balumiziddwa era nebadusibwa mu ddwaliro e Mulago.

Akabenje ku luguudo lw’Entebe okuliraana base ya UN kalumizza bana emotoka ekika kya Subaru nga njeru bweremeredde omugoba waayo neggwa neyefuula.