Diana Babirye 28, omutuuze w’e Kitintale akwatiddwa Poliisi lwakubba bintu ebibaririrwamu obukadde 20 okuva mu dduuka lya Tusingwire Peace erisangibwa e Ntinda Kigoowa. Mukukola okunoonyereza Poliisi yasanze ebintu bino ebyabiddwa mu nju ya Diana.

Omwogezi wa Poliisi mu Kampala n’emiriraano Luke Owoyesigire agamba nti Babirye yakuba plan y’okubba ebintu bya mukwano ggwe byeyawulira nti mukwano ggwe yali akooye eby’edduuka nga anoonya mulimu mulala ogusasula bwatyo nasalawo amuyambe okumusigalira nga wo nga bwanoonya omulimu omulala kumbe nga ayagala kubba.

Kigambibwa nti buli mukwano ggwe bweyagendanga okusisinkana abayinza okumuwa omulimu nga amulekawo omukuumireko nga Babirye afuna akakisa akokesaamu ebisumuluzu by’edduuka.

Poliisi yakoze omuyiggo nekizuula nti essimu ya Babirye yagikozesa mu ssaawa webamanyera edduuka mu kifo edduuka werisangibwa. Ebintu ebiwerako byasangiddwa mu nnyumba ya Babirye e Luzira Kirombe.

Beyabuuziddwa lwaki yabbye mukwano ggwe ennyo yagambye nti omwenge nti gwegwamutabudde omutwe negumuleetera okubba, wamu n’okusera. Wabula yalemeddwa okunnyonyola engeri gyeyatuuka okwokesaamu ebisumuluzo.

Minisita w’ebyenfuna Matia Kasaija asekeredde ab’avubuka abalowooza nti Pulezidenti Museveni ayinza okutiisibwatisibwa bannabyabufuzi ab’egwaniza entebe mwali nga bayita mu kisinde kya People Power.
Museveni talina gyalaga era abamuwalampa muswadde.

Ssebuufu amanyiddwa nga Eddie Mutwe, nga ono yekannyama akuuma omubaka wa Kyaddondo East Robert Kyagulanyi Ssentamu aka Bobi Wine atwaliddwa mu maaso g’omulamuzi w’e Gulu. Kigambibwa nti agenda kusomerwa omusango gw’okulya mu nsi ye olukwe era atwalibwe mu kkomera ekulu e Gulu.

Poliisi e Kampala ekutte abavubuka 5 kubigambibwa nti babadde babba emotoka nebazitema nebazitunda mu scrap. Ku bano kuliko Joseph Magoba, Willy Kizza, Gregory Luyinda, Henry Matovu ne Mustafah Kayondo (26) nga bano babadde bapangisa parking mu maka ga Daliya Bembe.

Ekikwekweto ekikuliddwamu SP. Benard Katwalo okuva ku Poliisi e Nansana nga basangiddwa nga batema emotoka ekika kya NOAH nnamba UAR157N.

Mu kifo kino Poliisi yasanzeemu emotoka endala ekika kya Toyota Premio UAK982B nga bamaze okugitema. Eno yabibwa ku Joshua Lubega Babulira nga 29-Aug-2018. Kigambibwa nti eno yabibwa okuva mu makaage ekiro ku ssaawa nga munaana.

Spare w’emotoka awerako omuli emipiira emipya, endabirwamu za Mark II nnamba UAF325K nabyo byazuuliddwa. Poliisi era yagudde ku kifo webabadde bookera ebyo byebalowooza nti tebirina katale omuli wire okwewala okulekawo obujulizi.

Bano bagambye Poliisi nti emotoka eweza kiro 1,000 oba 1500 kibatwalira essaawa 4 zokka okugitemamu spare era nga babitunda wakati w’obukadde 2 – 3.

Bano bagamba nti ekibatemya emotoka zino kwekwala okukwatibwa nga bazeemu okuziguza abantu abalala. Abakwatiddwa bakuumirwa ku Poliisi ye Nansana webanagibwa batwalibwe mu kkooti.

ASP Muhammad Kirumira abadde musajja mulungi nnyo. Abadde mukoze mulungi nga ate amanyi omulimu ggwe eri eggwanga lye n’okusinga abakulu abamukulira. Kirumira akoledde eggwanga lye nga teyekirirannya n’ekitiibwa. Wadde mufu, naye ebirowoozo byeyayimirirawo bijja kugenda mu maaso. – Mugisha Muntu

Omubaka wa Kyaddondo East Robert Kyagulanyi Ssentamu awandiise ku mugenzi Kirumira;

Muganda wange Afande Kirumira, oziikibwa leero ku myaka 35 gyokka. Nkyagezaako okukikiriza nti watiddwa mu bukambwe bwebuti awatali kuswala.

Kyanaku embeera eriwo kati tensobozesa kubaawo kuziika wamu n’emikwano gyange emirala egyattibwa mu nnaku eziyise. Nabadde mu ddwaliro nenfuna amawulire nti okuttiddwa mu bukambwe. Omusango gwebakulanga kwogera mazima, kulwanirira mazima n’okwagala eggwanga lye. Babadde babi nnyo, kino kikolwa kyabukambwe.

Leero nsiibye ntunuulira ekifanaanyi kyetwekubya nga tutudde mu Tundra. Wali otuulidde ddala mu kifo Yasin Kawuma weyali atudde nattibwa abantu betusasula okutukuuma. Nali nakava mu kifo ekyo kyennyini mu ddakiika ntono nnyo ngenda okuwulira nti akubiddwa amasasi gendowooza nti galina kukubwa nze. Nsuubira nali wakufa okusooka ggwe. Naye tulisisinkana olundi.

Ngezezaako okwejukanya byatwanyumya, ebiruubirirwa wamu n’ebigendererwa byetwayogerako okutereeza eggwanga lyaffe nga tusinziira ku bwenkanya n’obumu.

Bakusse leero naye tebakomeza lutalo lw’amazima. Wayimirirawo olw’ensonga. Kirungi okufa nga oyimiriddewo olw’ensonga okusinga okuwangaala nga oky’okulya okifunira ku maviivi.

Wumula mirembe kyali wange. Okomangawo n’otagenda wenna mwana wa Taata. Okomangawo wakiri nga oyita mu ngeri yonna. Tetuggya kuggwamu maanyi muganda wange. Tetuli kuswaza. Tetujja kugwamu maanyi. Tujja kuwangula oba tujja kufa nga tugezaako. Wamula mirembe mu maanyi.

Inna lillahi wa inna ilayhi raji’un

Mmwe Bannamawulire muli eno mulekaana nti NRM telina kyekoze era bagikoowa, naye twakawangula ebitundu 90 ku 100 mu kulonda kwa LC1 n’obukiiko bw’abakyala. Nabwekityo mulina okwegendereza. Kyemuva mulaba abantu babesonyiwa nebasalawo okulonda NRM mu kalulu ka LC n’obukiiko bw’abakyala.- HE. Yoweri Kaguta Museveni

Ndagidde bakunge aba LDU 24,000 nga bano bakuyamba mu Kampala ne Wakiso. Kijja kunetaagisa obuwumbi 57 okubwongera mu budget, naye ekyo sikyekizibu. Tulina okufaayo okulaba nti Bannayuganda bali muddembe erituukiridde nga tulwanyisa obumenyi bw’amateeka. – HE. Yoweri Kaguta Museveni

Ntutte omutawaana okubategeeza nti musaana mwewale era muwakanya n’obusobozi bwonna bwemulina okukunga Bannayuganda okukolebwa abantu abamu abatalina mpisa nga bakolagana n’ebitongole ebimu okuva ebweru w’eggwanga okulaba nti balemesa Ugana okukula. Naye mukimanye tewali asobola kulemesa Uganda kukula mu byanfuna, ettima lyabwe lisobola okulemesa abalambuzi okuggya naye terijja kulemesa makolero. – HE. Yoweri Kaguta Museveni