Ababaka ba Palamenti baalaze kyebalinawo mu by’amazina olunaku lweggulo nga bakulembeddwamu Hon Hamson Obua ne Hon Odonga Otto nga bazinira ku luyimba lwa ‘Malwedhe’ olulimu okuzina nga bwebaggwa ebiggwo. Bino byonna byabadde ku kabaga k’Ababaka akagalawo omwaka.

Hon Robert Kyagulanyi Ssentamu aka Bobi Wine yakubye babaka banne omuziki era bangi balabiddwa nga bazinira ku luyimba lwe olwa Kyarenga awatabadde kusosola mu bibiina ku kabaga akaggalawo omwaka akababaka ba Palamenti era bangi balabiddwa nga bamweyunzeeko ku stage.

Palamenti yakuyisa amateeka agalagira amasomero gonna mu Ggwanga okutandika okusomesa olulimi Olucayina nga kino kiyinza okutandika omwaka ogugenda okutandika ogwa 2019. Minista avunaanyizibwa ku nsonga z’obwapulezidenti Esther Mbayo y’abotodde ekyaama kino bw’abadde ku mukolo ogw’okutikira abasomesa ababanguddwa mu kusomesa Olucayina.
Mininsita Mbayo agamba Bannayuganda bangi bafiiriddwa emirimu olw’obutamanya Lucayina nga kati baagala abaana batandike okulusoma bu bibiina ebisooka kisobozese okutumbula enkolagana wakati w’amawanga, Uganda ne China.

Pulezidenti Yoweri Kaguta Museveni tavuddeyo nategeeza nti Gavumenti erina enteekateeka empya ku ntambula y’ebidduka mu kibuga Kampala okusobola okulwanyisa omugoteko gw’ebidduka.
Pulezidenti Museveni agamba nti mu mateeka g’ebidduka amapya Boda Boda zonna zigenda kugobwa mu kibuga wakati zisikizibwe ne Piki piki ez’emipiira esatu ezakazibwako erya Tuk Tuk.

Omubaka wa Kyaddondo East Robert Kyagulanyi Ssentamu aka Bobi Wine asekeredde obukodyo Gavumenti mweyise okukkakkanya ettutumu ly’afunye nga bamulemesa okukola ensimbi.
Mu kwogerako kwe, agamba yagenda okujja mu by’obufuzi nga ssente azirina era yali akimanyi bulungi nti enteekateeka z’okumwavuwaza ziyinza okubeerawo era talina kutya nti ayinza okubeera omwavu bw’ekiba nga kyekinaaleeta ekyukakyuka z’ayaayaanira.

Akakiiko ka Anti Corruption Unit akateekebwawo Omukulembeze w’Egwanga Yoweri Kaguta Museveni okulwanyisa obuli bw’enguzi nobulyake mu Ggwanga Olunaku lw’eggulo kazinzeeko ekitebe kya Disitulikiti y’e Wakiso, naddala ofiisi y’ebyettaka nekakwata abantu abawerako, omuli n’akulira eby’ettaka ku Disitulikiti.
Omwegezi wa Pulezident Don Wannyama yavauddeyo n’ategeeza nti bafunye okwemulugunya okuva mu bantu ab’enjawulo nga babategeeza nga obuli bw’enguzi bwebususse mu offiisi y’ebyettaka e Wakiso era nabo kwekusitukiramu.

Olunaku lw’eggulo ekitongole ekivunaanyizibwa ku mutindo mu ggwanga ekya Uganda national Bureau of Standards kyakoze ekikwekweto mu katale k’ebintu ebyeyambisibwa mu masanyalaze ku kizimbe kya Yamaha Center era nga amaduuka agawerera ddala 200 gegafuuziddwa era nga okukakana ebintu ebiwereza ddala ttani 8 ebitali ku mutindo biboyeddwa. Bino bibalirirwamu obukadde 100.
Mu byasinze okukwatibwa mwabaddemu; extension, cables, bulbs, ebbinika, energy saver bulbs n’ebirala bingi.

Sipiika wa Palamenti Rebecca Alitwala Kadaga awandiikidde akulira oludda oluvuganya Gavumenti mu Palamenti Betty Aol Ocan nga amusaba ayongezeeyo ekisanja kya Abdu Katuntu nga Ssentebe wa kakiiko akokola ku Bitongole bya Gavumenti aka COSASE.
Kadaga agamba nti kino kyakusobozesa akakiiko kano okumaliriza obulungi okunoonyereza kwekaliko mukugala Bbanka omusnavu ez’obwannannyini ezigambibwa okugalibwa mubukyamu.
Kinnajukirwa nti Abdu Katuntu wakusikirwa Omubaka Mubarak Munyagwa akiikirira Kawempe eyamaserengeta.

Abatwala Yunivasiti ye Bugema baweze eky’abayizi abawala okuddamu okwekolako (Make-up), okwambala obugoye obumpi, ear rings, necklaces, bangles, sleeveless, open tops, okusiiga enjala langi ez’enjawulo wamu n’empale empanvu n’ebirala bingi.