Bannakibiina ki National Unity Platform 38 abakwatibwa nga 7-November bwebaali bawerekera ku Pulezidenti wa NUP Kyagulanyi Ssentamu Robert aka Bobi Wine ku lukungaana e Bwizibwera, mu Disitulikiti y’e Mbarara olwaleero basimbiddwa mu Kkooti y’Omulamuzi owe Mbarara ngekubirizibwa Omulamuzi Andrew Kabombo okuwulira okusaba kwabwe okwokweyimirirwa. Bano abamaze kumpi omwezi mulamba ku alimanda bavunaanibwa omusango gwokulemesa DPC wa Mbarara City, SP Kenneth Kabwigo Gumisiriza, okukola emirimu gye.
#ffemmwemmweffe
#UgandaDecides2026

Dr. Abdul Salaam Waiswa akulira ebyamateeka mu kitongole ekirungamya ebyempuliziganya mu Ggwanga ekya @Uganda Communications Commission (UCC) avuddeyo nalabula Bannayuganda abakozesa VPN okufuna Facebook nti ekyo tekibeyibaaza, bakuvunaanibwa mu mateeka. Ono ayongeddeko nti bakimanyi balungi nti abantu bakozesa VPN era ebintu babiraba nti era akaseera bwekanatuuka bajja kuzuula ani abeera abitaddeyo.
#ffemmwemmweffe
#UgandaDecides2026

Emizira n’enduulu bisaanikidde ekisaawe kya Nyakasanga e Kasese, Pulezidenti Yoweri Kaguta Museveni bwabadde atuuka okwogerako gyebali.
#ffemmwemmweffe
#ProtectingTheGains

Loodi Mmeeya Erias Lukwago avuddeyo nalumiriza gwavuganya naye Beatrice Mao, nti yakubisizza t-shirt eziriko ekifaananyi kya Lukwago nga ateekateeka okuzambaza abavubuka bagende nga bawannulayo ebifaananyi bya Beatrice bagambe nti Lukwago yabasindika.
#ffemmwemmweffe

Abawagizi ba National Resistance Movement – NRM wamu n’abakulembeze batuuse dda ku kisaawe kya Nyakasanga mu Disitulikiti y’e Kasese nga balindirira Pulezidenti Yoweri Kaguta Museveni okwogerako gyebali.
#ffemmwemmweffe
#ProtectingTheGains

Moris Eyit, Kkooti yamusalidde ekibonerezo kyakukola bulungi bwansi okumala wiiki 2 oluvannyuma lwokumusingisa omusango gwokuyuza ebifaananyi bya Ssentebe wa National Resistance Movement – NRM, Yoweri Kaguta Museveni.
Bya Christina Nabatanzi
#ffemmwemmweffe

Akulira oludda oluwabula Gavumenti, Hon. Joel Ssenyonyi avuddeyo navimirira ekya Gavumenti okusalawo okusaasaanya obuwumbi 37 okulira Kkampuni ya Roofings Limited ekyuuma ekya ‘power stablizer’ nga yebuuza emitendera egiyitwamu okuduukirira abagagga nga Sikander Lalani so nga waliwo Bannayuganda bangi nga bizineesi zaabwe zitubidde mu mabanja agatagambika nga nezimu ziggalawo wabula nga Gavumenti tevaayo kubayamba.
Bino yabyogeredde mu Palamenti, Gavumenti bweyabadde eyanjula embalirira eyenyongereza ya bwesedde 8 mu obuwumbi 104 nga kuno kwekuli n’obuwumbi 37 obwokuduukirira Roofings e Namanve.
#ffemmwemmweffe

Omumyuuka w’omwogezi wa Poliisi mu Kampala n’emiriraano ASP Luke Owoyesigyire; “Bw’oba ​​onatambuza ssente ennyingi, nkuwa amagezi nti wandikolaganye ne Uganda Police Force nekuwa obukuumi. Waliwo n’empeereza ezateekebwawo okuyamba abantu mu mbeera ng’ezo nga basasula ssente ntono.”
#ffemmwemmweffe

Engule World Cup Y’olulimi Oluganda Nookumanya ekomekkerezebwa ku Ssande eno nga 7/12/2025 ku Summer Gardens Mukono okuyingira shs.10,000/= Omuteeko ogusooka ogulinze okubebentula ebibuuzo by’engule ensi yeewuunye gulimu: Omusajja ow’empeewo Kaamulali Mugambe Mayumbakkumi ow’e Kyaggwe.
Omukazi: Ow’engo Nassiwa Prossy Kyerondera w’e Mawokota
Endukusa yaabwe: Nsubuga Swaibu Kaloolo wa Mmamba.
Ggwe owagira wa kika ki okuwangula Engule?