Waliwo omuntu omulala asangiddwa nga atemuddwa mu Disitulikiti y’e Lwengo nga atemuliddwa mu kifo kyekimu awaatemulirwa omusawo w’ekinnansi ennaku ntono nnyo eziyise.
Ono eyatemuddwa ye John Kachakuso ow’emyaka 40 era nga abadde mutuuze ku kyalo Kakundu -Kiwangala ekisangibwa mu Ggombolola y’e Kiseka mu Disitulikiti y’e Lwengo.
Margret Kayondo omusasi waffe eyo atugambye nti omulambo gwa Kachakuso gusangiddwako ebya wongo omubadde amatu g’emmwanyi, amatooke amookye nga gusibiddwako n’ebikoola .
Wabula ye Ssentebe w’ekyalo kino Kakundu, Idi Muganga alumiriza nti obutemu buno buvudde ku basawo b’ekinnansi abeeyongedde obungi.